దుబాయ్ లో జరుగుతోన్న బాడ్మింటన్ ఆసియా ఛాంపియన్ షిప్స్ లో భారత షట్లర్లు పివి సింధు, హెచ్ ఎస్ ప్రణయ్ క్వార్టర్స్ లో అడుగు పెట్టారు. కాగా, కిడాంబి శ్రీకాంత్ ఓటమి పాలయ్యాడు.
మహిళల సింగిల్స్ లో పివి సింధు 21-12;21-15తో చైనా ప్లేయర్ హన్ వ్యూ పై విజయం సాధించింది.
పురుషుల సింగిల్స్ లో హెచ్ ఎస్ ప్రణయ్ 21-16; 5-21; 21-18 తేడాతో ఇండోనేషియా ప్లేయర్ చికో ఔరా ద్వి పై గెలుపొందాడు.
పురుషుల డబుల్స్ లో సాత్విక్ సాయిరాజ్- చిరాగ్ శెట్టి ద్వయం 21-13;21-11తో సౌత్ కొరియా ఆటగాళ్ళు జిన్ యంగ్- నా సంగ్ సేయుంగ్ లపై గెలుపొందారు.
మిక్స్డ్ డబుల్స్ లో రోషన్ కపూర్- సిక్కీ రెడ్డి క్వార్టర్స్ లో అడుగు పెట్టారు. నేడు ప్రీ క్వార్టర్స్ ఆడాల్సిన సౌత్ కొరియా జోడీ వాకోవర్ గా వెనుదిరగడంతో వీరికి తర్వాతి రౌండ్ లో నేరుగా బెర్త్ లభించింది.
కాగా, పురుషుల సింగిల్స్ లో కిడంబి శ్రీకాంత్; మిక్స్డ్ డబుల్స్ లో సుమిత్ రెడ్డి- అశ్విని పొన్నప్ప ఓటమి చెందగా, గాయత్రి-జాలీ జోడీ వాకోవర్ గా వెనుదిరిగారు.
