ఎన్టీఆర్ ప్రస్తుతం కొరటాల శివతో భారీ పాన్ ఇండియా మూవీ చేస్తున్నారు. ఆచార్య తర్వాత కొరటాల చేస్తున్న సినిమా కావడంతో కథ విషయంలో చాలా జాగ్రత్తలు తీసుకున్నారు. ఇటీవల రామోజీ ఫిలింసిటీలో ఎన్టీఆర్, సైఫ్ ఆలీఖాన్ పై భారీ యాక్షన్ ఎపిసోడ్ ను చిత్రీకరించారు. ఆర్ఆర్ఆర్ తర్వాత ఎన్టీఆర్ చేస్తున్న మూవీ కావడం.. ఇందులో జాన్వీ కపూర్ నటిస్తుండడంతో ఈ భారీ పాన్ ఇండియా మూవీ పై అటు అభిమానుల్లోనూ, ఇటు ఇండస్ట్రీలోనూ భారీ అంచనాలు ఉన్నాయి. నందమూరి కళ్యాణ్ రామ్, మిక్కిలినేని సుధాకర్ సంయుక్తంగా ఈ చిత్రాన్ని నిర్మిస్తున్నారు.
ఇక అసలు విషయానికి వస్తే.. మే 20న ఎన్టీఆర్ పుట్టినరోజు. ఈ సందర్భంగా ఎన్టీఆర్ బర్త్ డేకు ఈ సినిమాకి సంబంధించిన ఫస్ట్ లుక్ కానీ.. టైటిల్ కానీ రిలీజ్ చేసే అవకాశం ఉందని వార్తలు వస్తున్నాయి. అలాగే ఎన్టీఆర్ నెక్ట్స్ మూవీకి సంబంధించిన అప్ డేట్ కూడా వస్తుందని టాక్ వినిపిస్తుంది. బాలీవుడ్ క్రేజీ మూవీ ‘వార్ 2 ‘లో ఎన్టీఆర్ నటిస్తున్నట్లుగా ప్రచారం జరుగుతుంది కానీ.. అఫిషియల్ గా అనౌన్స్ చేయలేదు. దీని గురించి కూడా అదే రోజున క్లారిటీ వచ్చే అవకాశం ఉందని తెలిసింది. ఎన్టీఆర్ బర్త్ డే సందర్భంగా సింహాద్రి చిత్రాన్ని భారీ స్థాయిలో రీ రిలీజ్ చేస్తున్నారు.
ఎన్టీఆర్ బర్త్ డేను అభిమానులు తెలుగు రాష్ట్రాల్లో చాలా గ్రాండ్ గా ప్లాన్ చేస్తున్నారు. తెలుగు రాష్ట్రాల్లోనే కాకుండా విదేశాల్లో సైతం యంగ్ టైగర్ ఎన్టీఆర్ అభిమానులు భారీ ఎత్తున సెలబ్రేషన్స్.. సేవా కార్యక్రమాలు చేసేందుకు ఏర్పాట్లు చేస్తున్నారు. అభిమానుల వలే.. ఎన్టీఆర్ కూడా అభిమానుల కోసం ఎప్పుడూ ఆలోచిస్తుంటాడు. అయితే.. ఈసారి బర్త్ డేకు ఫ్యాన్స్ కు ఎలాంటి ట్రీట్ ఇవ్వనున్నాడు అనేది ఆసక్తిగా మారింది. కొరటాలతో చేస్తున్న మూవీ అప్ డేట్, వార్ 2 అప్ డేట్, అలాగే ప్రశాంత్ నీల్ తో చేయనున్న పాన్ ఇండియా మూవీ అప్ డేట్ లతో ఈ బర్త్ డే ఎన్టీఆర్ అభిమానులకు పండగే అని చెప్పచ్చు.
