ఐసిసి వరల్డ్ కప్ క్వాలిఫైర్స్-2023 లో నేటి మ్యాచ్ లో స్కాట్లాండ్ పై శ్రీలంక 82 పరుగులతో విజయం సాధించింది. బులావాయో స్పోర్ట్స్ క్లబ్ లో జరిగిన ఈ మ్యాచ్ లో స్కాట్లాండ్ టాస్ గెలిచి బౌలింగ్ ఎంచుకుంది. లంక బ్యాట్స్ మెన్ పాథుమ్ నిశాంక-75; అసలంక-63; సమరవిక్రమ-26; ధనుంజయ డిసిల్వా-23 పరుగులు చేశారు. 49.3 ఓవర్లలో 245 పరుగులకు ఆలౌట్ అయ్యింది. స్కాట్లాండ్ బౌలర్లలో క్రిస్ గ్రీవ్స్ 4; మార్క్ వాట్ 3; క్రిస్ సోల్-2, ఎవాన్స్ ఒక వికెట్ పడగొట్టారు.
లక్ష్య ఛేదనలో స్కాట్లాంట్ 29 ఓవర్లలో 163 పరుగులకే ఆలౌట్ అయ్యింది. క్రిస్ గ్రీవ్స్-56; క్రిస్టోఫర్ -29 పరుగులతో రాణించారు.మిగిలిన బ్యాట్స్ మెన్ విఫలమయ్యారు. మహీష్ తీక్షణ 3; వానిందు హసరంగ 2; కాసున్ రజిత, దాసున్ శనక, లాహిరు కుమార తలా ఒక వికెట్ పడగొట్టారు.
మహీష్ తీక్షణ కు ప్లేయర్ అఫ్ ద మ్యాచ్ లభించింది.
