ప్రభాస్, నాగ్ అశ్విన్ కాంబినేషన్లో రూపొందుతున్న పాన్ వరల్డ్ మూవీ ‘ప్రాజెక్ట్ కే’. దీనిలో ప్రబాస్ కు జంటగా బాలీవుడ్ బ్యూటీ దీపికా పడుకొనే నటిస్తుండగా, బిగ్ బి అమితాబ్ కీలక పాత్ర పోషిస్తున్నారు. తాజాగా యూనివర్శిల్ హీరో కమల్ హాసన్ ఈ ప్రాజెక్ట్ లో చేరారు. ఇప్పటివరకు రాని కథతో గ్లోబల్ మూవీగా దీన్ని రూపొందిస్తున్నామని మేకర్స్ చెబుతున్నారు.
ఈ మూవీ బడ్జెట్ 500 కోట్లు అనుకున్నారు కానీ.. ఇప్పుడు ఈ బడ్జెట్ 600 కోట్లకు చేరిందని టాక్ వినిపిస్తుంది. రెమ్యూనరేషన్స్ రూపంలోనే 250 కోట్ల వరకు ఖర్చు అవుతుందట. 350 కోట్లు ప్రొడక్షన్ కాస్ట్ అవుతుందట. టోటల్ గా 600 కోట్ల భారీ బడ్జెట్ తో ఈ సినిమా రూపొందుతుండడంతో దేశ వ్యాప్తంగా భారీ అంచనాలు నెలకొన్నాయి. యు.ఎస్ లో భారీ ఈవెంట్ ద్వారా ఈ మూవీ టైటిల్ అనౌన్స్ చేయడానికి ప్లాన్ చేస్తున్నారు. ఈవిధంగా హాలీవుడ్ దృష్టిని ఆకర్షించే ప్రయత్నం చేయాలనేది మేకర్స్ ప్లాన్.
ఇదిలా ఉంటే తాజాగా ఈ సినిమా గురించి సీనియర్ దర్శకనిర్మాత తమ్మారెడ్డి భరద్వాజ చేసిన కామెంట్స్ సోషల్ మీడియాలో వైరల్ అయ్యాయి. ఇంతకీ ఏం చెప్పారంటే.. ప్రాజెక్ట్ కే చిత్రాన్ని కరెక్ట్ గా ప్రొజెక్ట్ చేసి సరైన టైమ్ లో రిలీజ్ చేసి మార్కెట్ చేస్తే ఖచ్చితంగా ఈ మూవీ గ్లోబల్ ప్రాజెక్ట్ అయ్యే ఛాన్స్ ఉందన్నారు. ప్రపంచంలో హాలీవుడ్ ని సైతం షాక్ కి గురిచేసే విధంగా ఈ చిత్రం ఉంటుందని.. హాలీవుడ్ మూవీస్ టాప్ 50 సినిమాల జాబితా లో కలెక్షన్స్ పరంగా చేరే ఛాన్స్ ఈ చిత్రానికి ఉందన్నారు. అలాగే మొదటి రోజు ఖచ్చితమైన ప్రణాళికతో రిలీజ్ చేస్తే 500 నుంచి 600 కోట్ల వరకు కలెక్ట్ చేసే ఛాన్స్ ఉందని చెప్పారు. తమ్మారెడ్డి చేసిన ఈ కామెంట్స్ వైరల్ అయ్యాయి.
