విభిన్న కథాచిత్రాలకు కేరాఫ్ అడ్రస్ మైక్ మూవీస్. ‘జార్జిరెడ్డి’, ‘ప్రెజర్ కుక్కర్’ సినిమాలతో టాలీవుడ్పై తనదైన ముద్రవేసిన ఈ సంస్థ మరికొన్ని వినూత్న చిత్రాలను ప్రేక్షకుల త్వరలోనే అందించనుంది. వాటిలో ‘స్లమ్ డాగ్ హజ్బెండ్’ మూవీ మరింత ప్రత్యేకమైనంది. తాజాగా ఈ మూవీ ట్రైలర్ ను మేకర్స్ విడుదల చేశారు. కామెడీ ఎంటర్ టైనర్ గా రూపొందుతున్న ఈ మూవీ ట్రైలర్ ప్రేక్షకులను ఆకట్టుకుంటోంది.
నటుడు బ్రహ్మాజీ కొడుకు సంజయ్ రావు హీరోగా నటిస్తున్న ‘స్లమ్ డాగ్ హస్బెండ్’. సంజయ్ ‘ఓ పిట్టకథ’ సినిమాతో టాలీవుడ్ ఎంట్రీ ఇచ్చిన విషయం తెలిసందే. నూతన దర్శకుడు ఏఆర్ శ్రీధర్ రూపొందిస్తున్న ‘స్లమ్ డాగ్ హస్బెండ్’లో సంజయ్ రావు సరసన ప్రణవి మానుకొండ హీరోయిన్ గా నటిస్తోంది.మైక్ మూవీస్ బ్యానర్పై అప్పిరెడ్డి, వెంకట్ అన్నపరెడ్డి ఈ సినిమాను నిర్మిస్తున్నారు. చిత్రీకరణ పూర్తిచేసుకుని పోస్ట్ ప్రొడక్షన్ పనులు జరుపుకుంటున్న ఈ సినిమా త్వరలోనే విడుదల కానుంది.
