కెనడా ఓపెన్-2023 పురుషుల సింగిల్స్ టైటిల్ ను భారత షట్లర్ లక్ష్య సేన్ గెల్చుకున్నాడు. భారత కాలమానం ప్రకారం నేటి ఝామున 2.45 గంటల ప్రాంతంలో జరిగిన ఫైనల్లో చైనా ప్లేయర్ లీ షి ఫెంగ్ పై 21-18; 22-20 తేడాతో రెండు వరుస సెట్లు గెల్చుకొని టైటిల్ సొంతం చేసుకున్నాడు.
ఈ మ్యాచ్ హోరాహోరీగా సాగింది. తొలి సెట్ కోల్పోయిన ఫెంగ్ రెండో సెట్ లో చివరి వరకూ గట్టి పోటీ ఇచ్చాడు, ఒకానొక దశలో మూడో సెట్ తప్పదన్న అనుమానం కలిగినా సేన్ తేరుకొని మంచి షాట్లతో ప్రత్యర్థి పై విజయం దక్కించుకున్నాడు.
