అక్కినేని అఖిల్ ప్రస్తుతం ‘మోస్ట్ ఎలిజిబుల్ బ్యాచలర్’ మూవీ చేస్తున్న విషయం తెలిసిందే. బొమ్మరిల్లు భాస్కర్ దర్శకత్వంలో రూపొందుతోన్న ఈ రొమాంటిక్ ఫ్యామిలీ ఎంటర్ టైనర్ లో అఖిల్ సరసన క్రేజీ హీరోయిన్ పూజా హేగ్డే నటిస్తుంది. గత సంవత్సరమే ప్రేక్షకుల ముందుకు రావాలి కానీ కరోనా కారణంగా ఆగింది. ఈ సమ్మర్ లో రిలీజ్ చేయాలి అనుకుంటే.. కరోనా సెకండ్ వేవ్ కారణంగా వాయిదా పడింది. ఆగష్టు లేదా సెప్టెంబర్ లో మోస్ట్ ఎలిజిబుల్ బ్యాచ్ లర్ విడుదల పై క్లారిటీ వస్తుంది.
ఈ సినిమా తర్వాత స్టైలీష్ డైరెక్టర్ సురేందర్ రెడ్డితో సినిమా చేయనున్నారు. ఈ మూవీ టైటిల్ ‘ఏజెంట్’, అనిల్ సుంకర నిర్మిస్తున్న ఈ భారీ యాక్షన్ మూవీ షూటింగ్ ను త్వరలో స్టార్ట్ చేయడానికి ప్లాన్ చేస్తున్నారు. అయితే.. అఖిల్ ప్రముఖ నిర్మాణ సంస్థ మైత్రీ మూవీ మేకర్స్ లో ఓ చిత్రం చేయనున్నాడని వార్తలు వస్తున్నాయి. వరుసగా భారీ చిత్రాలను నిర్మిస్తున్న మైత్రీ సంస్థ అఖిల్ తో ఓ విభిన్న ప్రేమకథా చిత్రాన్ని నిర్మించేందుకు ప్లాన్ చేస్తుందని టాక్ వినిపిస్తోంది. దర్శకుడు ఎవరు అనేది తెలియలేదు కానీ… ఆర్ఎక్స్ 100 సినిమాతో సెన్సేషన్ క్రియేట్ చేసిన అజయ్ భూపతి పేరు వినిపిస్తోంది. దీనికి సంబంధించి పూర్తి వివరాలను త్వరలో ప్రకటిస్తారని సమాచారం.
