Mahesh-Bunny: సూప‌ర్ స్టార్ మ‌హేష్ బాబు న‌టించిన ‘స‌రిలేరు నీకెవ్వ‌రు’, అల్లు అర్జున్ న‌టించిన ‘అల.. వైకుంఠ‌పుర‌ములో’ చిత్రాలు 2020లో సంక్రాంతికి పోటీప‌డ్డాయి. ఈ రెండు చిత్రాల నిర్మాత‌లు త‌మ సినిమానే బిగ్ హిట్ అంటే.. త‌మ సినిమానే బిగ్ హిట్ అంటూ పోటాపోటీగా ప్ర‌క‌ట‌న‌లు ఇచ్చుకున్నారు. ఇక ఫ్యాన్స్ గురించి అయితే.. ప్ర‌త్యేకించి చెప్ప‌న‌వ‌స‌రం లేదు. మా హీరో సినిమానే బిగ్గిస్ట్ బ్లాక్ బ‌స్ట‌ర్ అంటూ సోష‌ల్ మీడియాలో ర‌చ్చ ర‌చ్చ చేశారు.
దీంతో మ‌హేష్ బాబు, అల్లు అర్జున్ మ‌ధ్య కోల్డ్ వార్ స్టార్ట్ అయ్యింద‌ని అప్ప‌ట్లో వార్తలు వ‌చ్చాయి. ఇదిలా ఉంటే.. మ‌హేష్ బాబు త‌న బ్యాన‌ర్ లో అడివి శేష్ హీరోగా మేజర్ అనే సినిమాను నిర్మించాడు. ఇటీవ‌ల మేజర్ సినిమా ప్రేక్ష‌కుల ముందుకు వ‌చ్చింది. అన్ని చోట్ల నుంచి హిట్ టాక్ వ‌చ్చింది. తెలుగు రాష్ట్రాల్లోనే కాకుండా హిందీలో కూడా మేజర్ మూవీ స‌క్సెస్ ఫుల్ గా ర‌న్ అవుతోంది.
ఈ సంద‌ర్భంగా సోష‌ల్ మీడియాలో అల్లు అర్జున్.. అడ‌వి శేష్ న‌ట‌న‌కు, మ‌హేష్ బాబు నిర్మాణంకు సెల్యూట్ అంటూ స్పందించాడు. అయితే.. అల్లు అర్జున్ ట్వీట్ కు మ‌హేష్ బాబు త‌న‌దైన స్టైల్ లో రిప్లై ఇచ్చాడు. అల్లు అర్జున్.. మేజర్ మూవీ చూసి అభినందించినందుకు థ్యాంక్స్. నీ ట్వీట్ యంగ్ టీమ్ కి చాలా ఉత్సాహాన్ని అందిస్తుంది. నీకు ఈ సినిమా న‌చ్చినందుకు చాలా హ్యాపీగా ఉంది అంటూ రిప్లై ఇవ్వ‌డం.. బ‌న్నీ ఫ్యాన్స్ లోనూ, మ‌హేష్ ఫ్యాన్స్ లోనూ జోష్ ని నింపింది. ఈ ట్వీట్ సోష‌ల్ మీడియాలో వైర‌ల్ గా మారింది.
Also Read : అంచనాలను అందుకున్న ‘మేజర్’
