నృత్యరీతులను ప్రధాన అంశంగా తీసుకొని ప్రముఖ కూచిపూడి డాన్సర్ సంధ్యారాజు ప్రధాన పాత్ర పోషిస్తూ నిర్మాతగా పరిచయం అవుతున్న చిత్రం ‘నాట్యం’. రేవంత్ కోరుకొండ దర్శకుడు. ఇప్పటికే విడుదలైన ఫస్ట్లుక్ పోస్టర్, టీజర్, సాంగ్స్ కి ట్రెమండస్ రెస్పాన్స్ వచ్చింది. తాజాగా ఈ సినిమా నుండి `వేణువులో చేరని గాలికి సంగీతం లేదు…` అనే పాటను మాస్ మహారాజా రవితేజ విడుదలచేసి చిత్ర యూనిట్కు ఆల్ ది బెస్ట్ చెప్పారు.
కరుణాకర్ అడిగర్ల సాహిత్యం అందించిన ఈ పాటకు శ్రవణ్ భరద్వాజ్ మంచి ట్యూన్ కంపోజ్ చేశారు. అనురాగ్ కులకర్ణి శ్రావ్యంగా ఆలపించిన ఈ పాట శ్రోతలను ఆకట్టుకుంటోంది. ఈ సినిమాలో కమల్ కామరాజ్, రోహిత్ బెహల్, ఆదిత్య మీనన్, భానుప్రియ, సుభలేఖ సుధాకర్, రుక్మిణీ విజయకుమార్, బేబీ దీవెన ముఖ్య పాత్రలు పోషించారు. నిశ్రింకళ ఫిలింస్ ఈ చిత్రాన్ని భారీ స్థాయిలో నిర్మించింది. విభిన్న కథాంశంతో రూపొందిన ఈ నాట్యం చిత్రం అక్టోబరు 22న ప్రపంచ వ్యాప్తంగా విడుదల కానుంది.
