Salar-2: పాన్ ఇండియన్ స్టార్ ప్రభాస్, ‘కేజీఎఫ్’ డైరెక్ట‌ర్ ప్ర‌శాంత్ నీల్ కాంబినేష‌న్లో రూపొందుతోన్న భారీ పాన్ ఇండియా మూవీ ‘సలార్’. ఇందులో ప్రభాస్ స‌ర‌స‌న శృతిహాస‌న్ న‌టిస్తుంది. హోంబలే ఫిల్మ్స్ బ్యానర్ పై విజయ్ కిరగందూర్ అత్యంత ప్ర‌తిష్టాత్మ‌కంగా నిర్మిస్తున్న ఈ సినిమాను తెలుగు, కన్నడ భాషల్లో ఏకకాలంలో చిత్రీకరించి హిందీ, తమిళం, మలయాళ భాషల్లోకి డబ్ చేయనున్నారు.
అయితే.. తాజాగా సలార్ సినిమాకు సంబంధించిన ఇంట్ర‌స్టింగ్ న్యూస్ బ‌య‌ట‌కు వ‌చ్చింది. అది ఏంటంటే… సలార్ మూవీని రెండు పార్ట్ లుగా విడుద‌ల చేయ‌డానికి ప్లాన్ చేస్తున్నార‌ని. ఇప్పటి వరకు ఈ సినిమా రెండు భాగాలుగా రూపొందుతోందని ఎక్కడా వార్తలు రాలేదు. ఈ వార్త ప్ర‌చారంలోకి వ‌చ్చిన‌ప్ప‌టి నుంచి ప్రభాస్ అభిమానులు థ్రిల్ ఫీల‌వుతున్నారు. అయితే.. ప్ర‌చారంలో ఉన్న‌ట్టుగా సలార్ సినిమా నిజంగానే రెండు పార్ట్ లుగా రానుందా..? అనేది అఫిషియ‌ల్ గా తెలియాల్సివుంది.
