‘హృదయ కాలేయం’ సినిమాతో హీరోగా పరిచయమయ్యారు బర్నింగ్ స్టార్ సంపూర్ణేష్బాబు. ప్రస్తుతం ‘క్యాలీ ఫ్లవర్’ అనే సరికొత్త టైటిల్తో మనముందుకు రానున్నారు. ‘శీలో రక్షతి రక్షిత:’ అనేది ఉపశీర్షిక. ఇప్పటికే రిలీజ్ చేసిన ఈ సినిమా ఫస్ట్ లుక్ పోస్టర్ కు మంచి రెస్పాన్స్ వచ్చింది. ఈ చిత్రాన్ని నవంబరు 26న థియేటర్స్ లో గ్రాండ్ గా రిలీజ్ చేయనున్నట్టు ప్రకటించారు నిర్మాతలు. ఈ సంధర్భంగా రిలీజ్ చేసిన పోస్టర్ ఆకట్టుకుంటుంది.
గుడూరు శ్రీధర్ సమర్పణలో మధుసూదన క్రియేషన్స్, రాధాకృష్ణా టాకీస్ పతాకాల పై ఆశా జ్యోతి గోగినేని ఈ చిత్రాన్ని నిర్మిస్తున్నారు. ఆర్కే మలినేని ఈ సినిమాకు దర్శకులు. ఈ చిత్రంలో సంపూర్ణేష్బాబు సరసన వాసంతి హీరోయిన్గా నటిస్తోంది. ప్రజ్వల్ క్రిష్ సంగీతం అందిస్తున్న ఈ చిత్రానికి ముజీర్ మాలిక్ ఛాయగ్రాహకుడు. ఎడిటింగ్ బాధ్యతలను బాబు నిర్వ హిస్తున్నారు. సంపూర్ణేష్బాబు, వాసంతి జంటగా నటించిన ఈ చిత్రంలో పోసాని కృష్ణమురళి, ఫృధ్వీ, నాగ మహేశ్, గెటప్ శీను, రోహిణి, కాదంబరి కిరణ్ తదితరులు నటించారు.
