‘న‌కిలీ’, ‘డా.సలీమ్‌’, ‘బిచ్చగాడు’, ‘భేతాళుడు’, ‘ఇంద్రసేన’, ‘రోషగాడు’, ‘కిల్లర్‌’ తదితర చిత్రాలతో టాలీవుడ్‌లో తనకంటూ ఓ ప్రత్యేకమైన ఇమేజ్‌ను సంపాదించుకున్న హీరో విజయ్ ఆంటోని. `మెట్రో` వంటి డిఫరెంట్ మూవీని తెరకెక్కించిన డైరెక్టర్ ఆనంద కృష్ణన్ విజయ్ ఆంటోని తో తెరకెక్కిస్తోన్న చిత్రం ‘విజయ రాఘవన్’. ఇన్ఫినిటీ ఫిల్మ్‌ వెంచర్ సమర్పణలో చెందూర్ ఫిల్మ్‌ ఇంటర్నేషనల్‌ బ్యానర్‌పై టి.డి.రాజా, డి.ఆర్‌.సంజయ్‌ కుమార్ ఈ చిత్రాన్ని నిర్మిస్తున్నారు. కోడియిల్ ఒరువ‌న్‌` పేరుతో త‌మిళంలో.. `విజయ రాఘవన్`పేరుతో తెలుగులో విడుద‌ల‌కు సిద్ధ‌మ‌వుతున్న ఈ సినిమా తెలుగు ట్రైల‌ర్‌ను వెర్స‌టైల్ హీరో రానా ద‌గ్గుబాటి విడుదల చేసి చిత్ర యూనిట్‌కు అభినంద‌న‌లు తెలిపారు.
ట్రైల‌ర్ విష‌యానికి వ‌స్తే.. “ఏదో ఒక ప‌క్క నిల్చువాలి త‌మ్ముడు.. సెంట‌ర్‌లో నిల్చున్నావంటే రెండు ప‌క్క‌ల నుంచి న‌లిగిపోతావ్‌” అంటూ కె.జి.య‌ఫ్ విల‌న్ రామ‌చంద్ర‌రాజు హీరోని బెదిరించ‌డం… “జీత‌మే లేని ఓ కార్పొరేట‌ర్ సీటుని ఓ పార్టీ కోటి ఇచ్చికొనుక్కుంటుంది.. ల‌క్ష జీత‌ముమ‌న్న ఎమ్మెల్యే సీటుకి ప‌దిహేను కోట్లు, ఎంపీకి ఇర‌వై ఐదు కోట్లు.. మొత్తం ఇలా ఎన్ని వేల కోట్లు.. వీళ్లంద‌రూ గెలిచొచ్చి ఏం పీకుతున్నారో అంద‌రికీ తెలిసిందే క‌దా”..అని అసెంబ్లీలో హీరో ఎమోష‌న‌ల్ డైలాగ్ చెప్ప‌డం…మ‌ధ్య‌లో హీరోయిన్ ఆత్మిక‌తో హీరో ల‌వ్‌ట్రాక్ సీన్స్, విల‌న్లతో హీరో చేసే యాక్ష‌న్ సీన్స్.. ఓ బ‌స్తీ.. అందులో రౌడీయిజం చేసే రౌడీలు.. వారిని ఎదుర్కోడానికి వ‌చ్చిన హీరో.. దానికి సంబంధించిన రాజకీయాలు.. వీటి కాంబినేష‌న్‌లో క‌ట్ చేసిన ట్రైల‌ర్ ఆసక్తిని రెట్టింపు చేస్తోంది. ట్రైల‌ర్‌ను విడుదల చేసిన రానా ద‌గ్గుబాటికి హీరో విజయ్ ఆంటోని ధ‌న్య‌వాదాలు తెలియ‌జేశారు.
‘‘ఇది వ‌రకే విడుద‌లైన ఈ సినిమా పాటలకు, టీజ‌ర్‌కు ట్రెమెండ‌స్ రెస్పాన్స్ వ‌చ్చింది. ఓ మాస్ ఏరియాలో పిల్ల‌లు ప‌క్క దారులు ప‌ట్ట‌కుండా … చ‌దువు గొప్ప‌త‌నాన్ని వారికి వివ‌రించి, వారి ఉన్న‌తికి పాటు ప‌డే యువ‌కుడి క‌థే విజయ్ రాఘవన్. ప్ర‌స్తుత ట్రెండ్‌కు అనుగుణంగా తెర‌కెక్కించాం. డిఫరెంట్ పాత్ర. ఖచ్చితంగా తెలుగు ప్రేక్షకుల అభిరుచికి తగినట్లుగా సినిమా ఉంటుంది. డైరెక్టర్ ఆనంద కృష్ణన్ సినిమాను అద్భుతంగా అన్ని ఎలిమెంట్స్‌ను క‌వ‌ర్ చేస్తూ తెర‌కెక్కించారు.ఎప్పుడో విడుదల కావాల్సిన సినిమా కోవిడ్ కార‌ణంగా వాయిదా ప‌డింది. ప‌రిస్థితులు చ‌క్క‌బ‌డ్డాయి. త్వ‌ర‌లోనే రిలీజ్ డేట్ అనౌన్స్ చేసి సినిమాను విడుదల చేస్తాం’’ అని చిత్ర యూనిట్ తెలియ‌జేసింది.
