నేచుర‌ల్ స్టార్ నాని.. వాల్ పోస్ట‌ర్ సినిమా అనే బ్యాన‌ర్‌ను స్టార్ట్ చేసి స‌మ‌ర్ప‌కుడిగా వ్య‌వ‌హ‌రిస్తూ.. ప్ర‌శాంతి త్రిపురనేని నిర్మాత‌గా వైవిధ్య‌మైన సినిమాల‌ను అందిస్తున్న సంగ‌తి తెలిసిందే. `ఆ, హిట్` వంటి సూప‌ర్ హిట్ చిత్రాలు రూపొందించారు. అదే త‌ర‌హాలో డిఫ‌రెంట్ కంటెంట్‌తో `మీట్ క్యూట్‌` అనే అంథాల‌జీని రూపొందిస్తోంది వాల్ పోస్ట‌ర్ సినిమా. `ఆ` సినిమాతో ప్ర‌శాంత్ వ‌ర్మ, `హిట్` చిత్రంతో శైలేష్ కొల‌ను వంటి టాలెంటెడ్ ద‌ర్శ‌కుల‌ను ప‌రిచ‌యం చేసిన ఈ బ్యాన‌ర్ ఇప్పుడు `మీట్ క్యూట్‌` ద్వారా దీప్తి గంటాను ద‌ర్శ‌కురాలిగా ప‌రిచ‌యం చేస్తున్నారు.
అంద‌రిలో ఆస‌క్తిని క్రియేట్ చేస్తూ `మీట్ క్యూట్‌` ప్రాజెక్ట్ ను జూన్‌లో లాంఛ‌నంగా ప్రారంభించారు. ప్ర‌స్తుతం షూటింగ్ హైద‌రాబాద్‌లో జ‌రుగుతుంది. ఐదు క‌థల సంక‌ల‌నంగా రూపొందుతోన్న ఈ అంథాల‌జీలో సీనియ‌ర్ న‌టుడు స‌త్య‌రాజ్ ఓ కీల‌క పాత్ర‌ను పోషిస్తున్నారు. రోహిణి, ఆదాశ‌ర్మ, వ‌ర్షా బొల్ల‌మ్మ, ఆకాంక్ష సింగ్‌, రుహానీ శ‌ర్మ, సునైన, సంచితా పూనాంచ .., అశ్విన్‌కుమార్, శివ కందుకూరి దీక్షిత్ శెట్టి, గోవింద్ ప‌ద్మ‌సూర్య, రాజా … ఇలా ఇందులో వేర్వేరు భాష‌ల‌కు చెందిన ఆరుగురు మేల్ లీడ్స్‌, ఆరుగురు ఫిమేల్స్‌ లీడ్ రోల్స్ చేస్తున్నారు. వ‌సంత్ కుమార్ సినిమాటోగ్ర‌ఫీ అందిస్తున్న ఈ చిత్రానికి విజ‌య్ బుల్గానిన్ సంగీత సార‌థ్యం వ‌హిస్తుండ‌గా… అవినాష్ కొల్ల ఆర్ట్ డైరెక్ట‌ర్‌, గ్యారీ బి.హెచ్ ఎడిట‌ర్ గా పని చేస్తున్నారు.
