దుల్కర్ సల్మాన్ సినీ పరిశ్రమలో విజయవంతంగా 11 సంవత్సరాలను పూర్తి చేసుకున్న సందర్భంలో దుల్కర్ సల్మాన్ నటించిన పాన్ ఇండియా మూవీ ‘కింగ్ ఆఫ్ కొత్త’ 2023 ఓనం రోజున ప్రేక్షకుల ముందుకు రాబోతోంది. ఈ భారీ బడ్జెట్ చిత్రం సెకండ్ లుక్ పోస్టర్ ఇప్పటికే అభిమానులలో సందడి చేస్తోంది. అతని తొలి చిత్రం ‘సెకండ్ షో’లో అందరూ ఇష్టపడే గెటప్ లాగానే, అభిలాష్ జోషి దర్శకత్వం వహించిన ఈ చిత్రంలో దుల్కర్ రగ్డ్ లుక్ ఈ పోస్టర్లో అలరిస్తోంది. జీ స్టూడియోస్, వేఫేరర్ ఫిలింస్ సంయుక్తంగా నిర్మిస్తున్న ‘కింగ్ ఆఫ్ కొత’ చిత్రం షూటింగ్ తమిళనాడులోని కరైకుడిలో జరుగుతోంది.
అభిలాష్ ఎన్ చంద్రన్ రాసిన ఈ చిత్రం పాన్-ఇండియన్ స్టార్ నెక్స్ట్ బ్లాక్ బస్టర్ అవుతుందని భావిస్తున్నారు. ఈ చిత్రానికి నిమిష్ రవి సినిమాటోగ్రఫీ, ఎడిటర్ గా శ్యామ్ శశిధరన్ పని చేస్తుండగా.. జేక్స్ బిజోయ్, షాన్ రెహమాన్ కలసి సంగీతం అందిస్తున్నారు. ఈ మూవీకి జేక్స్ బిజోయ్, షాన్ రెహమాన్ సంగీతం అందిస్తున్నారు. జీ స్టూడియోస్, వేఫేరర్ ఫిలింస్ ఏమాత్రం రాజీపడకుండా మంచి క్వాలిటీతో ఈ సినిమాను నిర్మించారు. మరి.. ఈ సినిమా తెలుగులో ఎంత వరకు ఆకట్టుకుంటుందో చూడాలి.
