విక్టరీ వెంకటేష్, మెగా హీరో వరుణ్ తేజ్ కాంబినేషన్లో సక్సెస్ ఫుల్ డైరెక్టర్ అనిల్ రావిపూడి తెరకెక్కిస్తోన్న ఫ్యామిలీ ఎంటర్ టైనర్ ‘ఎఫ్-3’. లాక్ డౌన్ కారణంగా బ్రేక్ పడిన ఈ సినిమా షూటింగ్ తిరిగి ప్రారంభమైంది. ఈ విషయాన్ని అఫిషియల్ గా తెలియచేస్తూ.. చిత్రయూనిట్ వర్కింగ్ స్టిల్స్ సోషల్ మీడియాలో రిలీజ్ చేసింది. ఈ ఫోటోలో దర్శకుడు అనిల్, నటులు వెంకటేష్, వరుణ్, సునీల్ నవ్వుతూ కనిపించారు. వీరి కాంబినేషన్లో వచ్చిన ‘ఎఫ్-2’ ఫ్యామిలీ ప్రేక్షకులను విశేషంగా ఆకట్టుకుని ఘన విజయం సాధించిన సంగతి తెలిసిందే. ‘ఎఫ్-3’ సునీల్ ఓ ప్రత్యేక పాత్ర పోస్తిస్తున్నారు.
ప్రేక్షకులు ఎన్ని అంచనాలతో వచ్చినా.. అంతకు మించి అనేలా ‘ఎఫ్-3’ ఉంటుందని.. ఖచ్చితంగా వినోదాన్ని అందిస్తుందని టీమ్ గట్టి నమ్మకంతో ఉన్నారు. రాక్ స్టార్ దేవిశ్రీప్రసాద్ ఈ చిత్రానికి సంగీతం అందిస్తున్నారు. దసరాకి ఈ చిత్రాన్ని రిలీజ్ చేయాలి అనుకున్నారు కానీ..డిసెంబర్ లో ఈ సినిమా ప్రేక్షకుల ముందుకు రానుందని సమాచారం.
