Stay Tuned: ఐకాన్ స్టార్ అల్లు అర్జున్, క్రియేటీవ్ డైరెక్ట‌ర్ సుకుమార్ కాంబినేష‌న్లో రూపొందిన భారీ పాన్ ఇండియా మూవీ పుష్ప. ప్ర‌ముఖ నిర్మాణ సంస్థ మైత్రీ మూవీ మేక‌ర్స్ పుష్ప చిత్రాన్ని అత్యంత ప్ర‌తిష్టాత్మ‌కంగా నిర్మించాయి. ఇది బ‌న్నీ, సుక్కు.. ఇద్ద‌రికీ ఫ‌స్ట్ పాన్ ఇండియా మూవీ కావ‌డంతో ఏ రేంజ్ స‌క్సెస్ సాధిస్తుందో అని ఆతృత‌గా ఎదురు చూశారు సినీ జ‌నాలు. అయితే.. ఊహించ‌ని విధంగా పుష్ప సెన్సేష‌న్ క్రియేట్ చేసింది.
దీంతో పుష్ప 2 మూవీ పై ఇప్ప‌టి నుంచో భారీ అంచ‌నాలు ఏర్ప‌డ్డాయి. సెప్టెంబ‌ర్ నుంచి పుష్ప సెట్స్ పైకి వెళ్లేందుకు రెడీ అవుతుంది. ఇదిలా ఉంటే.. ఇప్పుడు పుష్ప 2 మాత్ర‌మే కాదు.. పుష్ప 3 కూడా ఉంద‌నే విష‌యం బ‌య‌ట‌కు వ‌చ్చింది. ఈ వార్త‌ను బ‌య‌ట‌పెట్టింది పుష్ప‌లో విల‌న్ గా న‌టించిన ఫాహిద్ ఫాజిల్. దీంతో పుష్ప 3 కూడా ఉండ‌డం క‌న్ ఫ‌ర్మ్ అని సోష‌ల్ మీడియాలో జోరుగా ప్ర‌చారం జ‌రుగుతుంది.
ఇటీవ‌ల ఓ ఇంట‌ర్ వ్యూలో ఫాహిద్ ఫాజిల్ మాట్లాడుతూ.. సుకుమార్ ద‌గ్గ‌ర పుష్ప చేసేట‌ప్ప‌టికీ పార్ట్ 2 ఆలోచ‌న లేదు. ఆత‌ర్వాత ఈ కథ గురించి ఆయ‌న బాగా వ‌ర్క్ చేశారు. ఇప్పుడు ఆయ‌న ద‌గ్గ‌ర పుష్ప 2 మాత్ర‌మే కాదు.. పుష్ప 3 కి కూడా స్టోరీ ఉంది. ఖ‌చ్చితంగా పుష్ప 3 కూడా ఉంటుంద‌ని చెప్పారు. దీంతో పుష్ప 2 పై మ‌రింత క్యూరియాసిటీ పెరిగింది. మ‌రి.. పుష్ప 2 ఎలాంటి రికార్డులు సెట్ చేస్తుందో.. ప్ర‌చారంలో ఉన్న‌ట్టుగా పుష్ప 3 కూడా ఉంటే.. అది ఇంకెంత సెన్సేష‌న్ అవుతుందో చూడాలి.
Also Read : ఇండియా టుడే కవర్ పేజీ పై పుష్ప‌రాజ్.
