మాస్ మహారాజా రవితేజ టైటిల్ రోల్ పోషిస్తూ వంశీ దర్శకత్వంలో అభిషేక్ అగర్వాల్ ఆర్ట్స్‌ పై అభిషేక్ అగర్వాల్ నిర్మిస్తున్న చిత్రం టైగర్ నాగేశ్వర రావు. ఈ సినిమా ఫియర్స్ & మెజెస్టిక్ ఫస్ట్-లుక్ పోస్టర్, ఆసక్తికరమైన కాన్సెప్ట్ వీడియోను విడుదల చేశారు. రాజమండ్రిలోని ఐకానిక్ హేవ్‌లాక్ బ్రిడ్జ్ (గోదావరి) వద్ద గ్రాండ్ గా ఫస్ట్-లుక్ లాంచ్ ఈవెంట్ జరిగింది. గ్రాండ్ ఫస్ట్ లుక్ లాంచ్ కోసం మేకర్స్ రైలును హైర్ చేసుకున్నారు.
ఫస్ట్ లుక్ పోస్టర్ లో రవితేజ ఫెరోషియస్ టైగర్ లా రగ్గడ్ గెటప్‌ లో కనిపించారు. ఇది కేవలం పోస్టర్ అయినప్పటికీ అతని కళ్ళలోకి చూడాలంటే భయంగా ఉంది. రవితేజ బార్స్ వెనుక ఇంటెన్స్ లుక్ లో కనిపిస్తున్నారు. టైగర్ నాగేశ్వరరావు ప్రపంచాన్ని పరిచయం చేసేలా కాన్సెప్ట్ పోస్టర్ ఉంది. ఇది ఐదు వేర్వేరు భాషల్లో ఐదుగురు సూపర్ స్టార్‌ ల వాయిస్ ఓవర్ లతో అద్భుతంగా ప్రజంట్ చేశారు. తెలుగు వెర్షన్‌కి వెంకటేష్ వాయిస్ ఓవర్ ఇవ్వగా, జాన్ అబ్రహం, శివ రాజ్‌కుమార్, కార్తీ, దుల్కర్ సల్మాన్ వరుసగా హిందీ, కన్నడ, తమిళం , మలయాళ భాషలలో టైగర్ నాగేశ్వరరావు ప్రపంచాన్ని పరిచయం చేశారు.
”జింకల్ని వేటాడే పులుల్ని చూసుంటావ్. పులుల్ని వేటాడి పులిని ఎప్పుడైనా చూశావా ?” అని రవితేజ చెప్పిన డైలాగ్ ఆ పాత్ర స్వభావాన్ని వివరిస్తాయి. సూపర్‌స్టార్ల వాయిస్ ఓవర్‌లు ప్రజంటేషన్ ని మరింత ఆసక్తికరంగా మార్చాయి. దర్శకుడు వంశీ ఒక విన్నింగ్ స్క్రిప్ట్‌ని ఎంచుకుని, దానిని ఆకట్టుకునే రీతిలో ప్రజంట్ చేస్తున్నారు. టాప్ టెక్నీషియన్స్ ఈ చిత్రానికి పని చేస్తున్నారు.
దర్శకుడు వంశీ మాట్లాడుతూ.. ఫస్ట్ లుక్ ని ఇంత గ్రాండ్ గా లాంచ్ చేసిన నిర్మాతలుకు కృతజ్ఞతలు. ఇలాంటి ఈవెంట్స్ ఇంకా చాలా వున్నాయి. రవితేజ గారి అభిమానులకు, ప్రేక్షకులకు, మీడియాకి, అందరికీ పేరుపేరునా కృతజ్ఞతలు. రవితేజ గారి అభిమానులు ఆకలి తీరేలా ఈ సినిమా వుంటుంది. రవితేజ గారి బ్లెసింగ్స్ మనకీ ఎప్పుడూ వుంటాయి. నువ్వు చెయ్ వంశీ నేను వున్నాని చెబుతుంటారు. ఈ సినిమా చాలా బాగా ఆడుతుందని నమ్ముతున్నాను. అక్టోబర్ 20న సినిమాని మిస్ కావద్దు’’ అన్నారు.
