ఒక హీరో కోసం కథ రాస్తే.. అది మ‌రో హీరోతో సెట్ అవుతుంటుంది. ఇండ‌స్ట్రీలో ఇది కామ‌న్. అలాగే సూప‌ర్ స్టార్ మహేష్ బాబు కోసం కథ రాస్తే.. ఆ కథ నాగ‌చైత‌న్య‌కు ద‌గ్గ‌ర‌కు వెళ్లి బ్లాక్ బస్టర్ గా నిలిచింది. అదే ‘ఏమాయ చేశావే’. అవును ఈ విషయాన్ని స్వ‌యంగా ఏమాయ చేశావే డైరెక్ట‌ర్ గౌతమ్ మీనన్ చెప్పారు. ఆయ‌న త‌మిళ ద‌ర్శ‌కుడు అయిన‌ప్ప‌టికీ.. మన హీరోల‌కు ప్ర‌త్యేక‌మైన అభిమానం.
ఇప్పుడు గౌతమ్ మీనన్.. ఎన‌ర్జిటిక్ హీరో రామ్‌తో ఓ చిత్రాన్ని తెరకెక్కించడానికి సన్నాహాలు చేస్తున్నారు. శింబుతో తెర‌కెక్కించిన ‘ముత్తు’ ప్ర‌మోష‌న్స్ లో భాగంగా హైద‌రాబాద్ వ‌చ్చిన గౌతమ్ ఈ విషయాన్ని వెల్లడించారు. మహేష్ కి లవ్‌ స్టోరీ చెప్పినప్పుడు మనం కలిస్తే.. ఓ మంచి యాక్షన్‌ సినిమా రావాలని, అలాంటి కథ ఉంటే చెప్పమని అడిగారని గౌతమ్ చెప్పారు.
రామ్‌ చరణ్ తోనూ గౌతమ్ ఓ సినిమా చేయాలనుకున్నారు. అది కూడా చర్చల దశలోనే ఆగిపోయింది. అయితే.. ఇప్పటికీ చరణ్‌తో టచ్‌లోనే ఉన్నానని చెప్పారు గౌతమ్ మీనన్. సో… చరణ్, మహేష్ లతో గౌతమ్ సినిమాలు ఎప్ప‌టికీ సెట్ అవుతాయో చూడాలి.
Also Read: మహేష్, జ‌క్క‌న్న మూవీ టార్గెట్!
