100 days: యంగ్ టాలెంట్ నటుడు తేజ సజ్జా, క్రియేటివ్ దర్శకుడు ప్రశాంత్ వర్మల మొదటి పాన్-ఇండియన్ సూపర్ హీరో చిత్రం ‘హను-మాన్’ పూర్తి కావస్తోంది. ఇదిలా ఉంటే టీమ్ 100వ రోజు షూటింగ్ జరుపుకుంది. ఇది చిత్ర యూనిట్ కష్టం, కృషి వల్లే సాధ్యపడింది. సినిమా కోసం పని చేసిన దాదాపు అందరు నటీనటులు, సాంకేతిక సిబ్బంది సవాలుగా తీసుకుని పని చేశారు. సూపర్ హీరో సినిమాల్లో అధిక యాక్షన్ సన్నివేశాలు ఉంటాయి. అదీ కాక సూపర్ హీరో కొన్ని క్లిష్టమైన విన్యాసాలు చేస్తారు.
హీరోకి ఎలాంటి డూప్‌లు లేకుండా వీటిని షూట్ చేస్తున్నారు. తేజ చాలా రోజుల పాటు వరుసగా 8 గంటల పాటు రోప్ పై ఉండాల్సి వచ్చింది. ఇది గంటలు పాటు ఉండటమే కాదు, ఈ సమయాల్లో గాయాలు కూడా సాధారణం. చివరకు తెరపై కనిపించే దానికంటే చాలా ఎక్కువ కృషి ఉంది. అమృత అయ్యర్ కథానాయికగా నటిస్తుండగా, ప్రముఖ నిర్మాణ సంస్థ ప్రైమ్‌షో ఎంటర్‌టైన్‌మెంట్ ఈ చిత్రాన్ని భారీ స్థాయిలో నిర్మిస్తోంది. సీనియర్ స్టార్స్, టాప్-గ్రేడ్ టెక్నీషియన్స్ దీనికి సహకరిస్తున్నారు. వరలక్ష్మి శరత్‌కుమార్‌ కీలక పాత్ర పోషిస్తోంది.
ఇది సూపర్‌హిట్ కలయిక. హను-మాన్ ప్రోమోలతో సంచలనం సృష్టించినందున, ఈ చిత్రం భారీ నాన్-థియేట్రికల్ వ్యాపారాన్ని చేసింది. శ్రీమతి చైతన్య సమర్పిస్తున్న ఈ చిత్రాన్ని కె నిరంజన్ రెడ్డి నిర్మిస్తున్నారు. అస్రిన్ రెడ్డి ఎగ్జిక్యూటివ్ ప్రొడ్యూసర్, వెంకట్ కుమార్ జెట్టి లైన్ ప్రొడ్యూసర్, కుశాల్ రెడ్డి అసోసియేట్ ప్రొడ్యూసర్. దాశరధి శివేంద్ర సినిమాటోగ్రఫీ అందిస్తున్నారు. నలుగురు ప్రతిభావంతులైన స్వరకర్తలు- అనుదీప్ దేవ్, హరి గౌరా, జై క్రిష్, కృష్ణ సౌరభ్ ఈ చిత్రానికి సౌండ్ ట్రాక్‌లను అందిస్తున్నారు.
