Plantation: మియావాకి పద్దతిలో రాష్ట్రంలోని ఎనిమిది పోలీసు బెటాలియన్లలో మొక్కలు నాటే కార్యక్రమాన్ని రాష్ట్ర హోం శాఖా మంత్రి మేకతోటి సుచరిత ప్రారంభించారు. డెవలప్మెంట్ ఆఫ్ అర్బన్ ఫారెస్ట్ లో భాగంగా ఈ కార్యక్రమానికి శ్రీకారం చుట్టారు. బ్రాడిపేటలోని తన క్యాంప్ కార్యాలయం ద్వారా ఈ కార్యక్రమంలో హోం మంత్రి పాల్గొన్నారు.
మంగళగిరి 6వ బెటాలియన్ లో డీజీపీ గౌతం సవాంగ్, ఇతర పోలీసు ఉన్నతాధికారులు పాల్గొని మొక్కలు నాటారు. అన్ని బెటాలియన్లలో దాదాపు 15.35 ఎకరాల్లో 19,774 మొక్కలు పోలీసు అధికారులు నాటారు. ఈ పోలీసు కుటుంబ సభ్యులతో పాటు, స్థానిక స్కూల్ విద్యార్థులు, ఫారెస్ట్ అధికారులు కూడా పాల్గొన్నారు.
మియావాకి పద్దతిలో తక్కువ స్థలంలో ఎక్కువ మొక్కలు పెంచవచ్చని…. మొక్కలు నాటడంతో పాటు అవి బాగా పెరిగే వరకు సంరక్షించాలని అధికారులకు హోంమంత్రి సుచరిచ సూచించారు.
