జమ్ముకశ్మీర్లో భారీ భూకంపం చోటుచేసుకుంది. ఇవాళ ఉదయం 7.38 గంటల సమయంలో ఒక్కసారిగా భూమి కంపించింది. ఉదయమే చోటు చేసుకున్న భుప్రకంపనలకు ప్రజలు తీవ్ర భయందోళన చెందారు. అనేక ప్రాంతాల్లో ఇళ్ళ నుంచి బయటకు పరుగులు తీశారు.
రిక్టర్ స్కేలుపై ఈ భూకంప తీవ్రత 4.7 గా నమోదైంది. లఢఖ్లోని కార్గిల్ పట్టణానికి ఉత్తరంగా 401 కిలోమీటర్ల దూరంలో భూకంప కేంద్రం నమోదైనట్లు నేషనల్ సెంటర్ ఫర్ సిస్మాలజీ వెల్లడించింది. అయితే, ఈ భూకంపంవల్ల ఎలాంటి ఆస్తి నష్టంగానీ, ప్రాణ నష్టంగానీ జరుగలేదని తెలిపింది.
