ప్రో లీగ్ పురుషుల హాకీ: బెల్జియం గెలుపు

FIH Pro-league: ప్రో లీగ్ పురుషుల హాకీ టోర్నమెంట్ లో భాగంగా ఇండియా-బెల్జియం జట్ల మధ్య నేడు జరిగిన రెండో మ్యాచ్ లో  బెల్జియం 3-2 తేడాతో విజయం సాధించింది.

బెల్జియం లోని అంట్వేర్ప్ లో జరిగిన ఈ మ్యాచ్ 25వ నిమిషంలో ఇండియాకు అభిషేక్ తొలి గోల్ అందించాడు. ఆ తర్వాత 33, 49, 59 నిమిషాల్లో బెల్జియం మూడు గోల్స్ చేసి 3-1 ఆధిక్యంలో నిలిచింది. ఆట చివరి నిమిషంలో మన్ దీప్ సింగ్ ఇండియాకు మరో గోల్ అందించి ఆధిక్యాన్ని 3-2కు తగ్గించగాలిగాడు.

బెల్జియంతో జరిగిన నిన్నటి మ్యాచ్ లో షూటౌట్ తో గట్టెక్కిన ఇండియా నేడు ఓటమి పాలైంది.

ఈ విజయంతో బెల్జియం ఇండియాను అధిగమించి రెండో స్థానంలోకి చేరింది. నెదర్లాండ్స్ మొదటి స్థానంలో కొనసాగుతుండగా, ఇండియా ప్రస్తుతం మూడో స్థానంలో ఉంది. ఇండియా తన తర్వాతి మ్యాచ్ లను నెదర్లాండ్స్ తో జూన్ 18,19 తేదీల్లో ఆడనుంది.