Share to Facebook Share to Twitter share to whatapp share to telegram

Heart Touching:  డా.రాజ‌శేఖ‌ర్ హీరోగా జీవిత తెర‌కెక్కించిన తాజా చిత్రం ‘శేఖ‌ర్‘. బీరం సుధాకర్ రెడ్డి, శివాని రాజశేఖర్, శివాత్మిక రాజశేఖర్, వెంకట శ్రీనివాస్ బొగ్గరం సంయుక్తంగా ఈ చిత్రాన్ని నిర్మించారు. ఈ చిత్రాన్ని వెంకట సాయి ఫిల్మ్ బ్యానర్ లో ముత్యాల రాందాస్ ఇండియా వైడ్ విడుదల చేస్తుండగా నిర్వాణ సినిమాస్ సృజన ఎరబోలు ఓవర్సీస్ లో విడుదల చేస్తున్నారు. అన్ని కార్యక్రమాలు పూర్తి చేసుకొని మే 20న ఈ చిత్రం విడుదల అవుతుంది. ఈ సందర్భంగా చిత్ర దర్శకురాలు జీవిత రాజశేఖర్ మీడియాతో ముచ్చటించారు. ఆ విశేషాలు ఆమె మాటల్లోనే…

తమిళ్ లో సూపర్ హిట్ అయిన ట్రూ స్టోరీ “శేషు” మూవీ తెలుగు రైట్స్ కొన్నప్పుడు ఆ సినిమాను తెలుగులో ఉన్నది ఉన్నట్లుగా తీయాలని చాలామంది దర్శకులను కలవడం జరిగింది అక్కడ సూపర్ హిట్ అయిన ఈ సినిమాను రాజశేఖర్ గారికి తగ్గట్టు కొన్ని మార్పులు చేయాలి అన్నారు. అయితే.. ఆ కథలో ఏ మార్పులు చేయకుండా ఉన్నది ఉన్నట్టు చేయడానికి ఎవరూ ముందుకు రాలేదు. దాంతో నేనే ఆ సినిమాకు దర్శకత్వం చేయాల్సి వచ్చింది. దర్శకురాలిగా అది నా మొదటి చిత్రం. డైరెక్షన్ పరంగా ఏమీ తెలియకున్నా డిఓపి హరి సపోర్ట్ తో అంతా తెలుసుకొని ఆ మూవీ తీయగలిగాను. ఆ తర్వాత నా సొంత సినిమాలకు దర్శకత్వం చేయడం జరిగింది.

మలయాళంలో సూపర్ హిట్ అయిన జోసెఫ్ సినిమా మాకు నచ్చడంతో తెలుగు రైట్స్ తీసుకోవడం జరిగింది. ఈ సినిమాను “శేఖర్” పేరుతో తీయాలని పలాస డైరెక్టర్, నీలకంఠ గార్లను కలిశాం. వారు బిజీగా ఉండటం వల్ల ఈ సినిమా కూడా నేనే దర్శకురాలిగా  చేయాల్సి వచ్చింది. చాలా రియలిస్టిక్ గా తీసిన “శేఖర్” సినిమా ఎవరు ఏక్స్పెక్ట్ చేయని విధంగా ఉంటుంది. ఇందులో తన లుక్ కు మంచి అప్లాజ్ వచ్చింది మన లాంగ్వేజ్ కి తగ్గట్టు చిన్న చిన్న మార్పులు చేయడం జరిగింది. ఈ సినిమా అందరికీ తప్పకుండా నచ్చుతుంది.

ప్రతి వ్యక్తి లైఫ్ లో మనకు చాలా ఇష్టపడే వ్యక్తి ఒకరు ఉంటారు. వారు తల్లి, తండ్రి,అక్క, చెల్లి, అన్నా ఇలా ఎవరైనా ఆవ్వచ్చు అటువంటివారెవరూ లేకుండా సింగల్ గా మిగిలి పోతే తన మైండ్, ఎమోషన్ ఎలా ఉంటుంది. తన పక్కన ఎవరూ లేకున్నా ఒక కామన్ గా తనకు ఒక ప్రాబ్లం వస్తే దాన్ని ఎలా సాల్వ్ చేసుకున్నాడు అనేదే శేఖర్ సినిమా. హార్ట్ ఉన్న ప్రతి ఒక్కరికీ ఈ సినిమా టచ్ అవుతుంది. ప్రతి ఒక్కరి లైఫ్ లో “శేఖర్” ఉంటాడు అనేలా ఈ సినిమా కనెక్ట్ అవుతుంది.

Jeevitha Confident Sekhar Movie

ప్రకాష్ రాజు గారు చాలా మంచి మనసున్న వ్యక్తి తను చేసే సహాయము తన పక్క చేతికి కూడా తెలియనంతగా హెల్ప్ చేస్తాడు. తను ఈ సినిమా కొరకు ఒక్క రూపాయి కూడా తీసుకోకుండా వర్క్ చేయడం జరిగింది. మాకు ఎవరితోనూ ఏ ఇష్యూ లేవు కానీ చిరంజీవి గారితో ఎప్పుడో జరిగిన విషయాన్ని రిపీట్ చేస్తూ..యూట్యూబ్ వారే తంబ్ నెల్స్ పెట్టి మా మధ్య ఇంకా దూరాన్ని పెంచుతున్నారు. రాజశేఖర్ గారూ శివాని ఇద్దరూ ఈ సినిమాలో ఉన్నా కుడా నేను నా క్యారెక్టర్ బాగా రావాలని వచ్చేవరకూ వారితో వర్క్ చేయించాను.

ఈ మూవీలో డాటర్ కు చిన్న ఇంపార్టెంట్ రోల్ ఉందని ఇద్దరు కూతుళ్ళు శివాని, శివాత్మికలకు చెప్పాము, అయితే శివాని చేస్తానని ముందుకొచ్చింది. డాటర్ కి స్క్రీన్ స్పేస్ చాలా తక్కువ ఉంటుంది కాబట్టి కొత్త అమ్మాయిలను తీసుకొచ్చి వారి మధ్య డాటర్, ఫాదర్ రిలేషన్ బిల్డప్ చేయడం కంటే శివాని డాటర్ గా చేస్తే బాగుంటుందని తనతో చేయించాం.

ట్రైలర్ రిలీజ్ అయ్యే వరకు కూడా మేము చాలా టెన్షన్ పడ్డాం. నాచురల్ గా ఉన్న ఈ కథను ప్రేక్షకులు రిసీవ్ చేసుకుంటారా లేదా అని. అయితే ట్రైలర్ రిలీజ్ కు ట్రైమెండస్ రెస్పాన్స్ వచ్చేసరికి చాలా హ్యాపీగా ఫీలయ్యాం. అలాగే చాలా కాలేజీలకు టూర్లకు వెళ్లాము దాంతో మాకు ఈ సినిమా పై ఫుల్ కాన్ఫిడెంట్ వచ్చింది. వన్ వీక్ లో షూట్ స్టార్ట్ అవుతుంది అనగా రాజశేఖర్ గారికి కోవిడ్  అటాక్ అయ్యింది. ఆ తరువాత చాలా సీరియస్ అయి తను బతుకుతాడా.. లేదా అనే స్టేజ్ కి వెళ్ళాము. అందరి ఆశీర్వాదంతో తను రికవరీ అయ్యి ఈ సినిమా పూర్తి చేయగలిగాం.


రాజశేఖర్ గారు రియల్ లైఫ్ లో చాలా సాఫ్ట్ & సెన్సిటివ్ ,వెరీ హ్యూమరెన్స్ పర్సన్.కోపం వస్తే ప్రతి ఓక్కరు రియాక్ట్ అవుతాం. ఈ సినిమాలో కూడా తను నిజ జీవితంలో ఎలా ఉంటాడో అదే విధంగా ఈ సినిమా ఉంటుంది. కామన్ మ్యాన్ కి ప్రాబ్లం వస్తే ఏం చెప్తాడు, కోపం వస్తే ఎం చేస్తాడు. అనేదే ఈ సినిమా. రాజశేఖర్ గారు డైరెక్టర్ హీరో.. తను ముందు ఏది ప్రిపేర్ అవ్వరు. సెట్ లో డైరెక్టర్ ఏది చెబితే అదే చేస్తాడు కోడి రామకృష్ణ గారి సినిమా దగ్గర నుంచి ఇప్పటి వరకు తను డైరెక్టర్స్ హీరో. అందులో తనకు ఇల్లాజికల్ అనిపిస్తే తను ఎంత పెద్ద డైరెక్టర్ సినిమా అయినా అది చేయడు.

అందరూ రాజశేఖర్ గారు నెగిటివ్ రోల్స్ చేస్తారా.. అని అందరూ అడుగు తున్నారు. అయితే మొదట తన జర్నీ విలన్ గానే మొదలైంది. భారతి రాజా దర్శకత్వంలో విలన్ గా నటించాడు. తరువాత హీరో గా చేయడంతో బిజీ అయిపోయారు. అయితే రామ్ చరణ్ సినిమా “ధ్రువ” లోని అరవిందస్వామి లాంటి క్యారెక్టర్, పెదరాయుడు లోని రజినీకాంత్ క్యారెక్టర్ వంటి అన్ టచబుల్ క్యారెక్టర్ వస్తే కచ్చితంగా చేస్తాడు. అలాగే చిరంజీవి గారు ఆఫర్ ఇచ్చినా చేయడానికి తను సిద్ధంగా ఉన్నారు. అలాగే నన్ను కూడా సేమ్ కొశ్చన్ వేస్తున్నారు. నాకు మంచి క్యారెక్టర్ ఏది వచ్చినా చేయడానికి నేను సిద్ధంగా ఉన్నాను.

రాజశేఖర్ గారు నాకు అన్ని విధాలుగా ఫుల్ సపోర్ట్ ఇవ్వడం వల్లనే నేను ఈ రోజు అన్ని నేర్చుకోగలిగాను, ఎక్కడైనా ఒంటరిగా ధైర్యంగా మాట్లాడగలుగుతున్నాను అంటే అది తన సపోర్ట్ ఉండడం వలనే. “మా” లో నేను లేకపోయినా నాకు అందరూ టచ్ లో ఉన్నారు. ఎవరికీ ఏ హెల్ప్ కావాలన్నా నేను ముందుంటాను. అలాగే మే 20 న ప్రేక్షకుల ముందుకు వస్తున్న మా “శేఖర్” సినిమాను ప్రేక్షకులు అందరూ ఆదరించి ఆశీర్వ దించాలని మనస్ఫూర్తిగా కోరుతున్నాను అన్నారు.

Also Read : రాజశేఖర్ భుజాలపైనే పూర్తి బాధ్యత పెట్టేసిన ‘శేఖర్’ 

Leave a Reply

Your email address will not be published.

Powered by Digital Ocean Design and Developed by Trade2online.com