Share to Facebook Share to Twitter share to whatapp share to telegram

తెలుగు సినిమా పుట్టిన ఆరేళ్లకు తొలి తెలుగు సినిమా పత్రిక ‘తెలుగు టాకీ‘ వచ్చింది. ఇక అప్పటి నుంచి తెలుగులో ఎన్ని పత్రికలు వచ్చాయి, ఏ ఏ జర్నలిస్టు చిత్ర పరిశ్రమ అభివృద్ధికి కృషి చేశారు… అనే వివరాల గురించి మూడేళ్లు కృషి చేసి సీనియర్ ఫిల్మ్ జర్నలిస్ట్ వినాయకరావు అందిస్తున్న పుస్తకం ‘తెలుగు సినీ పాత్రికేయ చరిత్ర’. ఈ పుస్తకం ఫస్ట్ లుక్ పోస్టర్ ను సూపర్ స్టార్ కృష్ణ, స్టార్ కమెడియన్ బ్రహ్మానందం విడివిడిగా ఆవిష్కరించారు.

ఈ సందర్భంగా హీరో కృష్ణ మాట్లాడుతూ.. వినాయకరావు గారు ఇంతవరకూ ఎన్టీఆర్, దాసరి, రామానాయుడు గురించి పుస్తకాలు రాశారు.. నా సినీ జీవిత విశేషాలు, నటించిన చిత్రాల వివరాలతో ‘దేవుడు లాంటి మనిషి’ పుస్తకం రాశారు. 500 పేజీలతో వెలువడిన ఆ పుస్తకం అందరినీ అలరించింది. ఇప్పుడు సినీ పాత్రికేయుల చరిత్రకు అక్షర రూపం ఇస్తున్నారు. అయన ప్రయత్నం విజయవంతమై, మంచి పేరు తెచ్చి పెట్టాలని ఆశిస్తున్నాను..అన్నారు.

బ్రహ్మానందం మాట్లాడుతూ… 84 ఏళ్ల సుదీర్ఘమైన పాత్రికేయ చరిత్రని అక్షరాల్లో పెట్టాలని అనుకోవడం సాహసమే. కానీ ఎంతో మంది జీవిత చరిత్రలు రాసిన వినాయకరావు గారికి ఇది సాధ్యమే అవుతుంది. ఈ పుస్తకం ఆయనకు మరింత పేరు తెచ్చి పెట్టాలని ఆశిస్తున్నాను..అన్నారు.

వినాయకరావు మాట్లాడుతూ… పాత్రికేయుల చరిత్రను పుస్తక రూపంలో తీసుకు రావాలన్నది నా 15 ఏళ్ల కల.ఇప్పటికీ అది కార్య రూపం దాలు స్తోంది. పుస్తకం రెడీ అయింది. వచ్చే నెల లో విడుదల చేస్తాం అని తెలిపారు

Leave a Reply

Your email address will not be published. Required fields are marked *

Powered by Digital Ocean Design and Developed by Trade2online.com