Korea Open-2022: కొరియా ఓపెన్ -2022లో మొదటిరోజు జరిగిన తొలి రౌండ్ ఫలితాల్లో ఇండియాకు లక్ష్య సేన్, మాళవిక బన్సోద్ సింగిల్స్ విభాగంలో విజయాన్ని అందించారు. పురుషుల సింగిల్స్ లో సేన్ తన ప్రత్యర్థి కొరియా ఆటగాడు చోయి జి హూన్ పై 14-21; 21-16;21-18 తేడాతో గెలుపొంది రెండో రౌండ్ లోకి ప్రవేశించాడు. మరో గేమ్ లో హెచ్ ఎస్ ప్రన్నోయ్ మలేషియా ఆటగాడు చెం జూన్ వీ చేతిలో 21-17; 21-7 తేడాతో మ్యాచ్ చేజార్చుకున్నాడు.
మహిళల సింగిల్స్ విభాగంలో మాళవిక బన్సోద్ 20-22; 22-20; 21-10తేడాతో చైనా క్రీడాకారిణి హాన్ యూ పై విజయం సాధించింది. హోరాహోరీగా సాగిన మొదటి సెట్ ను కోల్పోయిన మాళవిక రెండో సెట్ లో అదే తేడాతో దక్కించుకుంది. మూడో సెట్ లో అవలీలగా ప్రత్యర్ధిపై పైచేయి సాధించి రెండో రౌండ్లోకి అడుగు పెట్టింది.
పురుషుల డబుల్స్ విభాగంలో గవర కృష్ణ ప్రసాద్- పంజాల విష్ణు వర్ధన్ గౌడ్ జంట 21-14;21-19 తేడాతో ఇండోనేషియా ద్వయం ప్రముద్య కుసుమహార-రాంబిటన్ చేతిలో ఓటమి పాలయ్యారు. మరో జోడీ బొక్కా నవనీత్- బి. సుమిత్ రెడ్డి 21-14; 21-12 తేడాతో మలేషియాకు చెందిన ఒంగ్ ఈ సిన్-టియో యీ ద్వయంపై ఓటమి పాలయ్యారు.
