మాధవ్ చిలుకూరి, స్పందన పల్లి, రజత్ రాఘవ్, శ్వేతవర్మ ప్రధాన పాత్రల్లో నటించిన సినిమా “మ్యాడ్”. మోదెల టాకీస్ బ్యాన‌ర్ పై టి. వేణు గోపాల్ రెడ్డి, బి. కృష్ణారెడ్డి మరియు మిత్రులు నిర్మాత‌లుగా లక్ష్మణ్ మేనేని ద‌ర్శ‌క‌త్వంలో రూపొందిన ఈ చిత్రం ఈనెల 6న ప్రేక్షకుల ముందుకొచ్చేందుకు సిద్ధమవుతోంది. ఈ సందర్భంగా ‘మ్యాడ్’ ప్రీ రిలీజ్ కార్యక్రమం హైదరాబాద్ ప్రసాద్ ల్యాబ్స్ లో జరిగింది. ఈ కార్యక్రమంలో చిత్ర బృందం పాల్గొని తమ సంతోషాన్ని పంచుకున్నారు.
ఈ సందర్భంగా లిరిసిస్ట్ లక్ష్మీ ప్రియాంక మాట్లాడుతూ “పాటలు ఎలా ఉండాలో చాలా వివరంగా చెప్పేవారు. మోహిత్ రెహ్మానియానిక్ ఇచ్చిన ట్యూన్స్ అద్భుతంగా ఉన్నాయి. నాకు ఒక్కో పాట ఇస్తూ మొత్తంగా ఐదు పాటలు రాసే అవకాశం ఇచ్చారు. ఈ సినమాను ప్రేక్షకులు తప్పకుండా ఎంజాయ్ చేస్తారు” అన్నారు.
నటి ఇందు మాట్లాడుతూ… మా ఇంట్లో వాళ్లు, నా ఫ్రెండ్స్ నన్ను ఆర్ యూ మ్యాడ్ అంటారు. ఈ పోస్టర్ నాకు పంపి డైరెక్టర్ గారు పిలిచినప్పుడు చాలా క్రేజీగా ఉంది సార్ అని వెళ్లి కథ విన్నాను. చాలా మంచి స్టోరీ. మా డైరెక్టర్ గారు ఎప్పుడూ స్ట్రెస్ ఫీల్ అవరు. ‘మ్యాడ్’ కోసం పనిచేయడం ప్లెజంట్ గా అనిపించింది” అన్నారు.
దర్శకుడు లక్ష్మణ్ మేనేని మాట్లాడుతూ… “మా ఫ్రెండ్స్ సపోర్ట్ తో ‘మ్యాడ్’ సినిమా చేశాను. ఈ సినిమా చేసి వెళ్లిపోదాం అనుకున్నాను. కానీ మా కాస్ట్ అండ్ క్రూతో ఒక అనుబంధం ఏర్పడింది. ఇక్కడికొచ్చాక తెలిసింది ఇంత ప్రాణం పెట్టి సినిమా చేస్తారా అని. మా మూవీ ఒక ఫీస్ట్ లా ఉంటుంది. రెగ్యులర్ చిత్రంలా ఉండదు. సినిమా చూసి బాగుంటే చాలా బాగుందని చెప్పండి. థాంక్స్ టు ఆల్” అన్నారు.
