Share to Facebook Share to Twitter share to whatapp share to telegram

సూప‌ర్‌స్టార్ మ‌హేష్ బాబు, మాట‌ల మాంత్రికుడు స్టార్ డైరెక్ట‌ర్ త్రివిక్ర‌మ్ కాంబినేష‌న్‌లో మరో చిత్రం రూపొందనుందని ప్రకటన వచ్చిన నాటి నుంచి ఈ చిత్రంపై ఉత్సుకత ఇటు సినీ వర్గాల్లోనూ, అటు ప్రేక్షక వర్గాల్లోనూ నానాటికీ పెరుగుతూ వస్తోంది. దీనిని కొనసాగిస్తూ సూప‌ర్‌స్టార్ మ‌హేష్ బాబు పుట్టిన రోజు సందర్భంగా ప్రచార చిత్రాన్ని విడుదల చేసింది ‘హారిక అండ్ హాసిని క్రియేషన్స్‘యూనిట్. ఇది మ‌హేష్-త్రివిక్ర‌మ్‌ల హ్యాట్రిక్ మూవీ కావడంతో భారీ అంచనాలు ఏర్పడ్డాయి.

జాతీయ అవార్డ్ గ్రహీత నవీన్ నూలి ఎడిటర్ గా ఈ చిత్రానికి ఎంపిక అయ్యారు. అలాగే కళా దర్శకునిగా ఎ.ఎస్. ప్రకాష్  , ఛాయాగ్రాహకుడు గా ‘మధీ‘, సంగీత ప్రపంచంలో సంచలనాలు సృష్టిస్తున్న తమన్ ఈ చిత్రానికి స్వరాలు అందించనున్నారు.

మ‌హేష్ బాబు సరసన పూజా హెగ్డే మరోసారి జతకడుతున్నారు. ఈ చిత్ర ప్రీ ప్రొడక్షన్ పనులు  జరుగుతున్నాయి. ఒక స్పెష‌ల్ క్రేజ్ ఉన్న ఈ సినిమా  #SSMB28కి సంబంధించిన మరిన్ని వివరాలు అతి త్వరలో వెల్లడిస్తామని యూనిట్ తెలియజేసింది. ఈ చిత్రానికి ఎగ్జిక్యూటివ్ ప్రొడ్యూసర్: పి.డి.వి. ప్రసాద్. స‌మ‌ర్ప‌ణ: శ్రీ‌మ‌తి మ‌మ‌త‌, నిర్మాత‌: సూర్య‌దేవ‌ర రాధాకృష్ణ‌(చిన‌బాబు), ర‌చ‌న‌, ద‌ర్శ‌క‌త్వం: త్రివిక్ర‌మ్‌.

Leave a Reply

Your email address will not be published.

Powered by Digital Ocean Design and Developed by Trade2online.com