సూప‌ర్ స్టార్ మహేష్ బాబు, ద‌ర్శ‌క‌ధీరుడు రాజ‌మౌళి కాంబినేష‌న్లో మూవీ గురించి గ‌త కొంత‌కాలంగా వార్తలు వ‌స్తూనే ఉన్నాయి కానీ.. ఇప్ప‌టి వ‌ర‌కు సెట్స్ పైకి వెళ్ల‌లేదు. దుర్గా ఆర్ట్స్ బ్యాన‌ర్ పై డా.కె.ఎల్ నారాయ‌ణ ఈ చిత్రాన్ని అత్యంత ప్ర‌తిష్టాత్మ‌కంగా నిర్మిస్తున్నారు. ప్ర‌స్తుతం రాజ‌మౌళి మహేష్ తో చేయ‌నున్న మూవీకి సంబంధించిన కథ పై వ‌ర్క్ చేస్తున్నారు. వచ్చే సంవ‌త్స‌రం జ‌న‌వ‌రి నుంచి ఈ మూవీని సెట్స్ పైకి తీసుకెళ్లాలి అనుకున్నారు.
అయితే.. ఆగ‌ష్టు 1 నుంచి షూటింగులు బంద్ అని ప్ర‌క‌టించారు. ఆగ‌ష్టులో మహేష్, త్రివిక్ర‌మ్ మూవీ స్టార్ట్ కావాలి. ఆగ‌ష్టు రెండో వారంలో ఈ మూవీ షూటింగ్ స్టార్ట్ చేయాలి అనుకున్నారు. ఈలోపు నిర్మాత‌లు స‌మ‌స్య‌కు ప‌రిష్కారం క‌నుక్కుంటే.. ముందు అనుకున్న‌ట్టుగా మహేష్, త్రివిక్ర‌మ్ మూవీ షూటింగ్ స్టార్ట్ అవుతుంది. లేక‌పోతే ఇంకాస్త ఆల‌స్యం అవ్వ‌చ్చు. ఈ మూవీని డిసెంబ‌ర్ నెలాఖ‌రుకి కంప్లీట్ చేయాలి అనేది ప్లాన్.
జ‌న‌వ‌రి నుంచి రాజ‌మౌళితో సినిమా స్టార్ట్ చేయాలి అనుకుంటున్నారు కానీ.. జ‌న‌వ‌రిలో కూడా ఈ సినిమా సెట్స్ పైకి వచ్చే ఛాన్స్ లేద‌ని టాక్ వినిపిస్తోంది. అందుచేత మహేష్, రాజ‌మౌళి మూవీ మ‌రింత ఆల‌స్యం కానుంద‌ని తెలుస్తోంది. ఈ సినిమా ఎప్పుడు సెట్స్ పైకి వెళుతుందో క్లారిటీ రావాలంటే కొన్ని రోజులు ఆగాల్సిందే.
Also Read : ఆగ‌ష్టు 1 నుంచి షూటింగులు బంద్
