విమెన్ ప్రీమియర్ లీగ్ ఆరంభ టోర్నమెంట్ లో ముంబై ఇండియన్స్ విజేతగా నిలిచింది. ముంబై బ్రాబౌర్న్ స్టేడియంలో జరిగిన ఫైనల్ మ్యాచ్ లో ఢిల్లీ క్యాపిటల్స్ పై 7వికెట్లతో గెలుపొందింది. టాస్ గెలిచి బ్యాటింగ్ ఎంచుకున్న ఢిల్లీ 131 పరుగులే చేయగలిగింది. ఓ దశలో 79 పరుగులకే 9వికెట్లు కోల్పోయినా శిఖా పాండే- రాధా యాదవ్ 52 పరుగుల భాగస్వామ్యంతో గౌరవప్రదమైన స్కోరు చేయడంలో తోడ్పడ్డారు. వీరిద్దరూ చెరో 27పరుగులతో నాటౌట్ గా నిలిచారు. టాపార్డర్ లో కెప్టెన్ మెగ్ లన్నింగ్-35; షఫాలీ వర్మ-11; మారిజానే కాప్- 18 రన్స్ చేశారు. ఆలీస్ క్యాప్సీ డకౌట్ కాగా, జెమైమా రోడ్రిగ్యూస్ 9 పరుగులే చేసి పెవిలియన్ చేరింది.
అయితే ముంబై ఈ లక్ష్యాన్ని ఛేదించదానికి చివరి ఓవర్ వరకూ పోరాడాల్సి వచ్చింది. 23 పరుగులకే ఓపెనర్లు ఇద్దరూ (హేలీ మాథ్యూస్-; యస్తికా భాటియా-) ఔటయ్యారు. ఈ దశలో నాటాలి స్కివర్ బ్రంట్- కెప్టెన్ హర్మన్ ప్రీత్ కౌర్ 72 పరుగుల భాగస్వామ్యం నమోదు చేశారు. హర్మన్ 37 పరుగులు చేసి రనౌట్ కాగా, బ్రంట్ 55బంతుల్లో 7ఫోర్లతో 60; మెలీ కెర్ర్ 8 బంతుల్లో 2 ఫోర్లతో 14 పరుగులతో నాటౌట్ గా నిలిచి విజయం అందించారు. 19.3ఓవర్లలో 3 వికెట్లు కోల్పోయి గెలుపొంది తొలి టైటిల్ విజేతగా అవతరించింది.
నటాలి బ్రంట్ కు ‘ప్లేయర్ అఫ్ ద మ్యాచ్’, హేలీ మాథ్యూస్ కు ‘ప్లేయర్ అఫ్ ద సిరీస్’ దక్కాయి.
