We are friends: ఆర్ఆర్ఆర్ సినిమాలో కొమ‌రం భీమ్ గా యంగ్ టైగ‌ర్ ఎన్టీఆర్ అద్భుత నటన అందరినీ ఆకట్టుకుంది. దీనితో ఎన్టీఆర్ కు బాలీవుడ్ నుంచి భారీ ఆఫ‌ర్స్ వ‌చ్చిన‌ప్ప‌టికీ.. నెక్ట్స్ మూవీని బ్లాక్ బ‌స్ట‌ర్ డైరెక్ట‌ర్ కొర‌టాల శివ‌తో చేయ‌నున్న‌ట్టుగా ప్ర‌క‌టించారు. ఆత‌ర్వాత కేజీఎఫ్‌, స‌లార్ చిత్రాల ద‌ర్శ‌కుడు ప్రశాంత్ నీల్ తో చేయ‌నున్న‌ట్టుగా చెప్పారు. ప్రస్తుతం ప్రశాంత్ నీల్ దర్శకత్వంలో తెరకెక్కిన కెజిఎఫ్ 2 రిలీజ్ కి రెడీ అయ్యింది. ఏప్రిల్ 14 న రిలీజ్ కానున్న ఈ సినిమా ప్రమోషన్స్ లో ప్రశాంత్ నీల్ పాల్గొంటున్నాడు.
తాజాగా ఈ ప్రమోషన్స్ లో ఎన్టీఆర్ గురించి కొన్ని కీలక వ్యాఖ్యలు చేశాడు ప్రశాంత్. ఇంత‌కీ ప్రశాంత్ ఎన్టీఆర్ గురించి ఏం చెప్పారంటే.. నేను ఎన్టీఆర్ కి 20 ఏళ్లుగా పెద్ద అభిమానిని. నా సినిమా ఆయనకు చెప్పక ముందే తారక్ ను 10, 15 సార్లు కలిసి మాట్లాడాను. ఆతరువాత నేను చెప్పిన కథ నచ్చడంతో తారక్ సినిమాను ఓకే చేశారు. ప్రస్తుతం స్క్రిప్ట్ వర్క్ జ‌రుగుతోంది. మేము గత రెండేళ్లుగా సన్నిహితులం. ఈ సినిమా చేయడానికి చాలా ఉత్సాహంగా ఉన్నాను. అయితే.. ఏ జోనర్ మూవీ అని మాత్రం నన్ను అడగొద్దు అన్నాడు. ప్రశాంత్ నీల్ సినిమాల‌న్నీ యాక్ష‌న్ సినిమాలే. ఈ సినిమా కూడా యాక్ష‌న్ మూవీ అయితే.. ఎన్టీఆర్ అభిమానుల‌కు పండగే.
Also Read : ఎన్టీఆర్, కొర‌టాల మూవీ ఇంట్ర‌స్టింగ్ అప్ డేట్
