RRR in Dubai: యంగ్ టైగ‌ర్ ఎన్టీఆర్, మెగా ప‌వ‌ర్ స్టార్ రామ్ చరణ్, ద‌ర్శ‌క‌ధీరుడు రాజమౌళి.. ఈ ముగ్గురి కాంబినేష‌న్లో రూపొందిన భారీ యాక్ష‌న్ ఎంట‌ర్ టైన‌ర్ ఆర్ఆర్ఆర్. ఇందులో రామ్ చరణ్ అల్లూరి సీతారామరాజు పాత్రలో, జూనియర్ ఎన్టీఆర్ కొమురం భీం పాత్రల్లో నటిస్తుండ‌డంతో.. ఆర్ఆర్ఆర్ పై ఆరంభం నుంచి భారీ అంచ‌నాలు ఏర్ప‌డ్డాయి. భారీ చిత్రాల నిర్మాత డివివి దాన‌య్య దాదాపు 500 కోట్ల భారీ బ‌డ్జెట్ తో రూపొందించిన ఈ సినిమాను మార్చి 25న ప్ర‌పంచ వ్యాప్తంగా భారీ స్థాయిలో రిలీజ్ చేయ‌నున్నారు.
ఈ చిత్రానికి సంబంధించిన ఈవెంట్స్ పై రాజమౌళి పక్కా ప్లానింగ్ తో ఉన్నట్లు తెలుస్తోంది. ఈ నెల 18వ తేదీన దుబాయ్ లో ఈవెంట్ ను నిర్వహించనున్న‌ట్లు స‌మాచారం. ఈ వార్త బ‌య‌ట‌కు వ‌చ్చిన‌ప్ప‌టి నుంచి ఈ భారీ ఈవెంట్ కు ఎవ‌రెవ‌రు హాజరు కానున్నారు. ముఖ్య అతిధులుగా ఎవ‌రు రానున్నారు అనేది ఆస‌క్తిగా మారింది. అయితే.. ఈ ఈవెంట్ కి హాజరు అయ్యే ప్రముఖల లిస్ట్ పై ఇంకా క్లారిటీ రావాల్సి ఉంది.
ఇక హైద‌రాబాద్లో కూడా ప్రీ రిలీజ్ ఈవెంట్ నిర్వ‌హించాలి అనుకున్నారు కానీ.. అటు చరణ్, ఇటు ఎన్టీఆర్ అభిమానులు భారీ స్థాయిలో వ‌స్తారు…క‌ట్టుదిట్ట‌మైన ఏర్పాట్లు చేయాలి…. భారీగా బందోబ‌స్తు ఏర్పాటు చేయాలి కాబ‌ట్టి.. ఎక్క‌డ చేయాలి అనేది ఇంకా క‌న్ ఫ‌ర్మ్ కాలేదు. న‌గ‌ర శివార్లో భారీ వేడుక‌ను నిర్వ‌హించే ఆలోచ‌న‌ల్లో ఉన్న‌ట్టు స‌మాచారం. మ‌రి.. భారీ అంచ‌నాల‌తో వ‌స్తున్న ఆర్ఆర్ఆర్ ఏ స్థాయి విజ‌యాన్ని సాధిస్తుందో చూడాలి.
Also Read : ఆర్ఆర్ఆర్ కోసం ఒకే వేదికపైకి చిరు, బాల‌య్య?
