Thursday, March 28, 2024
Homeసినిమాభారీ బ‌డ్జెట్‌తో పాన్ ఇండియా మూవీగా ‘రాక్ష‌సుడు 2’

భారీ బ‌డ్జెట్‌తో పాన్ ఇండియా మూవీగా ‘రాక్ష‌సుడు 2’

బెల్లంకొండ శ్రీనివాస్ హీరోగా నటించిన ‘రాక్ష‌సుడు’ చిత్రంతో బ్లాక్‌బ‌స్ట‌ర్ హిట్ సాధించారు నిర్మాత కోనేరు స‌త్య‌నారాయ‌ణ. ర‌మేశ్ వ‌ర్మ ఈ చిత్రాన్ని డైరెక్ట్ చేశారు. ఇదే డైరెక్ట‌ర్‌తో కోనేరు స‌త్య‌నారాయ‌ణ ఇప్పుడు ర‌వితేజ క‌థానాయ‌కుడిగా ‘ఖిలాడి’ అనే భారీ చిత్రాన్ని నిర్మిస్తోన్న సంగ‌తి తెలిసిందే. ఈ సినిమా సెట్స్‌ పై ఉండ‌గానే ర‌మేశ్ వ‌ర్మ ద‌ర్శ‌క‌త్వంలో భారీ బ‌డ్జెట్‌తో, ఓ స్టార్ హీరోతో ‘రాక్ష‌సుడు 2’ చిత్రాన్ని పాన్ ఇండియా లెవెల్లో చేయ‌బోతున్న‌ట్లు ప్ర‌క‌టించారు కోనేరు.

‘రాక్ష‌సుడు’ సినిమా విడుద‌లై రెండేళ్ల‌వుతుంది. ఈ సంద‌ర్భంగా నిర్మాత కోనేరు స‌త్య‌నారాయ‌ణ మాట్లాడుతూ ‘‘ ‘రాక్ష‌సుడు’ కంటే ‘రాక్ష‌సుడు 2’ చాలా ఎగ్జ‌యిటింగ్ కాన్సెప్ట్ తో రూపొందనుంది. అలాగే క‌మ‌ర్షియ‌ల్ అంశాలు కూడా ప్రేక్ష‌కుల‌ను ఆక్టుట‌కునేలా ఈ స‌బ్జెక్ట్ లో మిక్స్ చేశాం. చాలా థ్రిల్లింగ్ కాన్సెప్ట్‌. హాలీవుడ్ చిత్రాల రేంజ్‌లో సినిమాను చేయాల‌నుకుంటున్నాం. మేకింగ్ విష‌యంలో ఎక్క‌డా కాంప్ర‌మైజ్ కావాల‌నుకోవ‌డం లేదు. పాన్ ఇండియా రేంజ్ మూవీగా తెర‌కెక్క‌బోతున్న ఈ సినిమాలో ఓ స్టార్ హీరో లీడ్ రోల్ చేయ‌బోతున్నారు. అది ఎవరు అనే విష‌యాన్ని స‌రైన స‌మ‌యంలో తెలియ‌జేస్తాం. ఈ చిత్రాన్ని రూ.100 కోట్ల‌తో చేయాల‌నుకుంటున్నాం. అలాగే సినిమా మొత్తం లండ‌న్‌లోనే ఉంటుంది. త్వ‌ర‌లోనే ఈ సినిమాకు సంబందించిన న‌టీన‌టులు, సాంకేతిక‌ నిపుణుల వివ‌రాలు తెలియ‌జేస్తాం” అన్నారు.

RELATED ARTICLES

Most Popular

న్యూస్