ప్రభాస్ నటిస్తున్న భారీ పాన్ ఇండియా మూవీ ‘సలార్‘. ప్రశాంత్ నీల్ ఈ చిత్రాన్ని తెరకెక్కిస్తున్నారు. ఈ సినిమాని ప్రకటించినప్పటి నుంచి అంచనాలు భారీగా ఉన్నాయి. అయితే.. కేజీఎఫ్ 2 బ్లాక్ బస్టర్ అయిన తర్వాత అంచనాలు బాగా పెరిగాయి. ఇక టీజర్ రిలీజ్ చేసిన తర్వాత అయితే.. అంచనాలు ఆకాశంలో ఉన్నాయి. ఈ సినిమాని ప్రారంభించినప్పటి నుంచి ఏదోక వార్త ప్రచారంలోకి వస్తూనే ఉంది. వాటిలో కొన్ని వాస్తవాలు కాగా మరికొన్ని పుకార్లుగా మిగిలాయి. ఇప్పుడు ఈ సినిమాకి రెండు ట్రైలర్లు రిలీజ్ చేయనున్నారని ప్రచారం జరుగుతుంది.
ఇంతకీ ఆ రెండు ట్రైలర్లు ఎప్పుడు రిలీజ్ చేస్తారంటే… అక్టోబర్ 23 ప్రభాస్ పుట్టినరోజు. ఆ రోజున డార్లింగ్ ఫ్యాన్స్ కి కిక్ ఇచ్చేలా ట్రైలర్ రిలీజ్ చేయాలని ఫిక్స్ అయ్యారట. ఇప్పటి నుంచో ట్రైలర్ కు సంబంధించిన వర్క్ స్టార్ట్ చేశారని.. ఈ ట్రైలర్ ఓ రేంజ్ లో ఉంటుందని టాక్ వినిపిస్తోంది. ఇక రెండో ట్రైలర్ ను నవంబర్ నెలాఖరున రిలీజ్ చేస్తారట. ఈ విధంగా రెండు ట్రైలర్లతో సలార్ సినిమా పై అంచనాలను ఇంకా పెంచాలనే ప్లాన్ లో మేకర్స్ ఉన్నారట. ప్రచారంలో ఉన్నట్టుగా ఇదే కనుక నిజమైతే.. డార్లింగ్ ఫ్యాన్స్ కు పండగే.
ఈ ట్రైలర్ రిలీజ్ గురించి త్వరలోనే అఫిషియల్ గా అనౌన్స్ చేయనున్నారని సమాచారం. బాహుబలి హీరో, కేజీఎఫ్ డైరెక్టర్ కలిసి చేసిన సినిమా కావడంతో సలార్ మూవీ ఖచ్చితంగా ఇప్పటి వరకు ఉన్న రికార్డులను క్రాస్ చేసి సరికొత్త రికార్డులను సృష్టిస్తుందని అభిమానులు గట్టి నమ్మకంతో ఉన్నారు. ఈ సినిమాకి ఉన్న క్రేజ్ చూస్తుంటే.. అలాగే అనిపిస్తోందని సినీ పండితులు అంటున్నారు. మరి.. సలార్ చరిత్ర సృష్టిస్తుందేమో చూడాలి.
Also Read: Prabhas, NTR, Yash: సలార్ లో ఎన్టీఆర్, యశ్. ఇది నిజమేనా..?
