Thursday, March 28, 2024
HomeసినిమాDahaad: సోనాక్షి నటన హైలైట్ గా సాగే 'దహాద్'  

Dahaad: సోనాక్షి నటన హైలైట్ గా సాగే ‘దహాద్’  

అమెజాన్ ప్రైమ్ వీడియోలో ఈ నెల 12 నుంచి ‘దహాద్’ వెబ్ సిరీస్ అందుబాటులోకి వచ్చింది. సోనాక్షి సిన్హా చేసిన ఫస్టు వెబ్ సిరీస్ ఇది. ఈ సినిమాలో ఆమె రాజస్థాన్ లోని ఓ ప్రాంతానికి చెందిన పవర్ఫుల్ పోలీస్ ఆఫీసర్ గా కనిపిస్తుంది. ఆమె పాత్ర పేరు అంజలి. ఈ కథలో ఎక్కువ భాగం రాజస్థాన్ పరిసర ప్రాంతాల్లోనే నడుస్తుంది. ఆ ప్రాంతానికి చెందిన ఒక యువతి మిస్సింగ్ కేసు ఆ పోలీస్ స్టేషన్ కి వస్తుంది. ఆ కేసు విచారణను మొదలెట్టిన అంజలి ఆశ్చర్యపోతుంది.

ఎందుకంటే అప్పటికే  చాలామంది యువతులు మిస్సవుతారు. ఆ తరువాత వాళ్లంతా వరుసగా ఒకే పద్ధతిలో చనిపోతుంటారు. అవి ఆత్మహత్యలా? ఒక ప్లాన్ ప్రకారం జరుగుతున్న హత్యలా? అనేది అర్థంకాక పోలీస్ డిపార్టుమెంటువారు తలలు పట్టుకుంటారు. అంజలి ఈ విషయాన్ని సీరియస్ గా ఛేదిస్తూ ముందుకు వెళుతుంది. 27 మంది యువతుల మరణానికి కారకుడైనవాడు ఒక్కడే అనే నిర్ధారణకు వస్తుంది. అప్పుడు ఆమె ఆ నేరస్థుడిని పట్టుకోవడానికి ఎలాంటి పథక రచన చేస్తుందనే మలుపులతో ఈ కథ ముందుకు వెళుతుంది.

ఈ వెబ్ సిరీస్ లో చాలా పాత్రలు వస్తుంటాయి .. పోతుంటాయి. కానీ సోనాక్షి సిన్హా – విజయ్ వర్మ  పాత్రలు మాత్రమే ప్రధానమైనవిగా చెప్పుకోవాలి. ఇద్దరూ కూడా తమ పాత్రలలో జీవించారు. కథ .. స్క్రీన్ ప్లే .. బ్యాక్ గ్రౌండ్ స్కోర్ .. ఫొటోగ్రఫీ ఈ వెబ్ సిరీస్ ను నిలబెట్టాయి. అక్కడక్కడా కథ కాస్త బలహీనపడినప్పటికీ .. కొన్ని అనవసరమైన సన్నివేశాలు ఉన్నప్పటికీ, మొత్తంగా చూసుకుంటే ఓకే అనిపిస్తుంది. సోనాక్షి సిన్హా ఒక మంచి వెబ్ సిరీస్ తోనే ఎంట్రీ ఇచ్చిందనడంలో సందేహం లేదు.

RELATED ARTICLES

Most Popular

న్యూస్