లాక్డౌన్ మొదలైనప్పటి నుంచి ఎంతోమందికి సాయం చేస్తున్న నటుడు సోనూసూద్.. తాను నెలకొల్పబోయే ఆక్సిజన్ ప్లాంట్లలో మొదటిదాన్ని ఆంధ్రప్రదేశ్ లోని కర్నూల్ లో ఏర్పాటు చేయనున్నట్లు తెలిపారు.. ఈ విషయాన్ని స్వయంగా ట్విట్టర్ వేదికగా వెల్లడించారు.
కర్నూలు ప్రభుత్వ ఆస్పత్రి, నెల్లూరు ఆత్మకూరులోని జిల్లా ఆస్పత్రిలో వీటిని ఏర్పాటు చేయనున్నట్లు తెలిపారు. ఈ క్రమంలోనే మిగతా రాష్ట్రాల్లోనూ ఆక్సిజన్ ప్లాంట్లను త్వరలో ఏర్పాటు చేయనున్నట్లు పేర్కొన్నారు.
సామాజిక మాధ్యమాల వేదికగా తనను కోరిన ఎంతోమందికి ఆక్సిజన్ కాన్సట్రేటర్లను అందించారు సోనూసూద్. ఇవి సరిపోకపోవడం వల్ల విదేశాల నుంచి ఆక్సిజన్ ప్లాంట్లను తెప్పించేందుకు సిద్ధమయ్యారు. అందులో భాగంగానే తొలి ప్రాధాన్యంగా ఆంధ్రప్రదేశ్లో ఆక్సిజన్ ప్లాంట్లను ఏర్పాటు చేయనున్నారు.
‘ఐ’ధాత్రి న్యూస్ డెస్క్ లో అనుభవజ్ఞులయిన జర్నలిస్టులు, కాపీ ఎడిటర్లు, అనువాదకులు, డిజైనర్లు, డిజిటల్ మీడియా సాంకేతిక నిపుణులు పనిచేస్తుంటారు.