ఘనంగా ప్రారంభమైన ‘సౌండ్’

Sound Move Launched Today :

కె.సాయి చంద్రిక సమర్పణలో శ్రీ సాయి వెంకటేశ్వర సినీ క్రియేషన్స్ (SSVCC) పతాకం పై అర్జున్ వారాహి, రేఖా నిరోషా జంటగా కేవీ చౌదరి దర్శకత్వంలో రూపొందుతోన్న చిత్రం సౌండ్. కె.రవీంద్ర నిర్మిస్తున్న ఈ ప్రొడక్షన్ నెం1 చిత్రానికి మల్టీ బ్రాండ్ అనేది క్యాప్షన్. ఈ చిత్రం పూజా కార్యక్రమం హైదరాబాద్ లోని రామానాయుడు స్టూడియోలో సినీ అతిరదుల సమక్షంలో ఘనంగా జరుపుకుంది. ఈ కార్యక్రమానికి ముఖ్య అతిథులుగా వచ్చిన దర్శకుడు భీమినేని శ్రీనివాస్ రావు ముహూర్తపు సన్నివేశానికి హీరో, హీరోయిన్ పై క్లాప్ కొట్టగా, నిర్మాత అచ్చిరెడ్డి దర్శక, నిర్మాతకు స్క్రిప్ట్ అందించారు. మోస్ట్ ఎలిజిబుల్ బ్యాచిలర్ నిర్మాత వాసు వర్మ కెమెరా స్విచ్ఛాన్ చేశారు.

కేవీ చౌదరి మాట్లాడుతూ “ఫుల్ అవుట్ అండ్ అవుట్ ఎంటర్టైనర్ గా తెరకెక్కుతున్న మా మూవీని ఫ్యామిలీతో కలసి హ్యాపీగా చూసేలా తెరకెక్కిస్తున్నాం. మన జీవితంలో ‘సౌండ్’ అనేది చాలా కామన్ వర్డ్.  అందుకే  సినిమాకు ఈ క్యాచీ టైటిల్ పెట్టడం జరిగింది. ఇందులో చాలా హెవీ ఫన్ ఉంటుంది. ఈ నెల 15 నుంచి షూట్ కు వెళ్తున్నాం.  హైదరాబాద్, వైజాగ్ లో రెండు షెడ్యూల్ లలో షూట్ చేసి సినిమాను పూర్తి చేస్తాము” అని అన్నారు.

చిత్ర నిర్మాత మాట్లాడుతూ  “మా చిత్రాన్ని ఆశీర్వదించడానికి వచ్చిన పెద్దలందరికీ మా చిత్ర యూనిట్ తరుపున ధన్యవాదాలు. కేవీ చౌదరి చెప్పిన కథ నచ్చడంతో ఈ సినిమా నిర్మిస్తున్నాను. ఔట్ అండ్ ఔట్ ఎంటర్టైనర్ గా తెరకెక్కుతున్న ఈ చిత్రంలో  సెంటిమెంట్ కూడా ఉంటుంది.  ఫ్యామిలీ అందరు కలిసి చూసేలా మా సినిమా ఉంటుంది. అందరి ఆశీస్సులు మా బ్యానర్, సినిమాకు ఉండాలని కోరుకుంటున్నాం” అన్నారు.

హీరో అర్జున్ వారాహి మాట్లాడుతూ  “మా ‘సౌండ్’ అందరికీ రీసౌండ్ వచ్చేలా ఉంటుంది. కథాపరంగా అవుట్ అండ్ అవుట్ కామెడీ ఎంటర్టైనర్.  మాస్ ఎలిమెంట్స్ కూడా పుష్కలంగా ఉంటాయి. సౌండ్ అనే పేరుకు తగ్గ సినిమా ఇది. ఈ చిత్రంలో నటించే అవకాశం ఇచ్చిన దర్శక నిర్మాతలకు ధన్యవాదాలు” అన్నారు.

హీరోయిన్ రేఖా నిరోషా మాట్లాడుతూ “త్వరలో షూటింగ్ కు వెళ్తున్నాం. ఈ సినిమా చూసిన వారంతా చాలా ఫన్ ఫీలవుతూ చాలా ఎంజాయ్ చేస్తారు. అలాంటి కథ ఇది. ఈ చిత్రంలో హీరోయిన్ గా నటించే అవకాశం ఇచ్చిన దర్శక,నిర్మాతలకు ధన్యవాదాలు” అన్నారు.

Also Read :  ఈసారి ‘రీసౌండ్’ తప్పదంటున్న సాయిరాం శంకర్