శ్రీ‌ ల‌క్ష్మీ న‌ర‌సింహ మూవీ మేక‌ర్స్ తొలి చిత్రం ప్రారంభం

Another Production House:
ధ‌ర్మ‌, పవి హీరో హీరోయిన్లుగా శ్రీ‌ల‌క్ష్మీ న‌ర‌సింహ మూవీ మేక‌ర్స్ ప‌తాకం పై ప్రొడ‌క్ష‌న్ నెం.1గా నూత‌న చిత్రం రూపొందుతోంది. డిస్ట్రిబ్యూష‌న్ రంగంలో అనుభ‌వం ఉన్న నిర్మాత ప్ర‌వీణ్ రెడ్డి ఈ మూవీని నిర్మిస్తున్నారు. పొలిటిక‌ల్ డ్రామా నేప‌థ్యంలో ఆలోచింప‌జేసే క‌థ‌గా తెర‌కెక్కుతోన్న ఈ చిత్రంతో టాలీవుడ్‌తో పాటు బాలీవుడ్ చిత్రాల‌కు సినిమాటోగ్రాఫ‌ర్‌గా ప‌ని చేసిన శ్యామ్ తుమ్మ‌ల‌పల్లి ద‌ర్శ‌కుడిగా పరిచ‌యం కాబోతున్నారు.

ఈ మూవీ పూజా కార్య‌క్ర‌మాలు ఈ రోజు హైద‌రాబాద్‌లో జ‌రిగాయి. మొద‌టి స‌న్నివేశానికి ద‌ర్శ‌కుడు శ్రీ‌కాంత్ అడ్డాల క్లాప్ కొట్ట‌గా మాగంటి గోపీనాథ్ కెమెరా స్విచాన్ చేశారు. హీరో శ్రీ విష్ణు, ద‌ర్శ‌కుడు వీఎన్ ఆదిత్య స్క్రిప్టును మేక‌ర్స్‌కు అంద‌జేశారు. ఈ కార్య‌క్ర‌మానికి నిర్మాత వివేక్ కూచిబొట్ల హాజ‌రయ్యారు. డిసెంబ‌రు చివరి వారం నుండి ఈ చిత్రం రెగ్యుల‌ర్ షూటింగ్ ప్రారంభ‌మ‌వుతుంది.

Also Read : అవంతిక మిశ్రాకు వరుస ఆఫర్లు