Share to Facebook Share to Twitter share to whatapp share to telegram

పవర్ స్టార్ పవన్ కళ్యాణ్ పుట్టినరోజు సందర్భంగా తను చేస్తున్న, చేయబోతున్న సినిమాల అప్ డేట్స్ అందించి అభిమానులకు ఎనలేని ఆనందాన్ని అందించారు. ‘భీమ్లా నాయక్’ నుంచి టైటిల్ సాంగ్ రిలీజ్ చేశారు. ఈ సినిమాతో పాటు చేస్తున్న ‘హరి హర వీరమల్లు’ ను 2022 ఏప్రిల్ 29న విడుదల చేయనున్నట్టుగా అఫిషియల్ గా అనౌన్స్ చేశారు. వీటితో పాటు హరీష్ శంకర్ తో చేస్తున్న మూవీకి సంబంధించిన పోస్టర్ ను రిలీజ్ చేశారు.

ఈ అప్ డేట్స్ తో పాటు స్టైలీష్ డైరెక్టర్ సురేందర్ రెడ్డితో పవన్ కళ్యాణ్ చేయనున్న సినిమాకు సంబంధించిన అప్ డేట్ కూడా ఇచ్చారు. యువ నిర్మాత రామ్ తాళ్లూరి ఈ చిత్రాన్ని నిర్మించనున్నారు. ఎస్.ఆర్.టి. ఎంటర్టైన్మెంట్ సంస్థ ఈ సినిమాపై అధికారిక ప్రకటన విడుదల చేస్తూ పవన్ కళ్యాణ్ కు పుట్టినరోజు శుభాకాంక్షలు తెలియచేసింది. ప్రచార చిత్రాన్ని గమనిస్తే .. ఓ వైపు తుపాకి, “యధా కాలమ్.. తధా వ్యవహారం’ అన్న పదాలు కనిపిస్తాయి. నగర వాతావరణం కనిపిస్తోంది. తమ బ్యానర్ నుంచి 9 వ చిత్రంగా ప్రకటించిన దీనికి వక్కంతం వంశీ రచయిత. ఈ సినిమా ఎప్పుడు ప్రారంభమవుతుందనేది తెలియాల్సివుంది.

Leave a Reply

Your email address will not be published. Required fields are marked *

Powered by Digital Ocean Design and Developed by Trade2online.com