‘నారప్ప’ మూవీతో తొలిసారి మ్యూజిక్ ఇండస్ట్రీలోకి అడుగుపెట్టింది సురేష్ ప్రొడక్షన్స్…. ఎస్పీ మ్యూజిక్ లేబుల్ పై తొలి చిత్రంగా ‘నారప్ప’ను విడుదల చేసింది. పారిస్ కు చెందిన ‘బిలీవ్’ కంపెనీతో ఎస్.పి మ్యూజిక్ భాగస్వామ్యంలో ‘నారప్ప’ ను వరల్డ్ మ్యూజిక్ డయాస్ పై ప్రమోట్ చేయనుంది. ఔత్సాహిక గాయకులు, సంగీతకారులకు వేదికను కల్పిస్తూ ప్రోత్సహిస్తోంది బిలీవ్. ప్రపంచంలో అతి పెద్ద డిజిటల్ మ్యూజిక్ కంపెనీ అయిన బిలీవ్ కు దేశంలో పలు చోట్ల కార్యాలయాలు ఉన్నాయి. గతంలో ‘బిలీవ్ ఇండియా’ రానా దగ్గుబాటి సోషల్ మీడియా ప్లాట్ ఫామ్ సౌత్ బేతోనూ జట్టు కట్టింది. బిలీవ్, ఎస్పి మ్యూజిక్ భాగస్వామ్యంతో టాలీవుడ్ మ్యూజిక్ కు కొత్త శకం మొదలైందని చెప్పొచ్చు.
ఈ సందర్భంగా ఎస్ పీ మ్యూజిక్ ఎండీ, నిర్మాత సురేష్ బాబు మాట్లాడుతూ… “బిలీవ్ తో భాగస్వామి అవడం ఎస్ పి మ్యూజిక్ కు ప్రారంభంలోనే దక్కిన గొప్ప అవకాశం. బిలీవ్ కు ఉన్న ప్రపంచ స్థాయి నెట్ వర్క్ తో ఎస్ పి మ్యూజిక్ లేబుల్ వరల్డ్ వైడ్ గా మ్యూజిక్ లవర్స్ కు రీచ్ అవుతుందని ఆశిస్తున్నాం. నారప్ప తో మొదలైన మా పార్టనర్ షిప్ మరెన్నో చిత్రాలతో కొనసాగాలని కోరుకుంటున్నాను” అన్నారు.
బిలీవ్ ఇండియా ఎండీ వివేక్ రైనా మాట్లాడుతూ… “సౌతిండియాలో దిగ్గజ కంపెనీ సురేష్ ప్రొడక్షన్ తో భాగస్వామి అవడం ఎగ్జైటింగ్ గా ఉంది. ‘నారప్ప’ మూవీ మా పార్టనర్ షిప్ లో ఫస్ట్ మూవీగా తీసుకున్నాం. బిలీవ్ కంపెనీ ద్వారా మ్యూజిక్ డిస్ట్రిబ్యూషన్ తో పాటు డిజిటల్ పార్టనర్స్ కు ఇన్నోవేటివ్ మార్కెటింగ్, ఆడియెన్స్ గ్రోత్ వంటి అంశాల్లో సహకారం అందిస్తాం” అని అన్నారు.
తెలుగు, జర్నలిజం, పాలిటిక్స్ లో పోస్ట్ గ్రాడ్యుయేషన్లు. ప్రింట్, టీవీ మీడియాల్లో 17 ఏళ్లు పాటు సినిమా జర్నలిస్టుగా అనుభవం. వివిధ సినీ వార పత్రికలు, దిన పత్రిక, ఎలెక్ట్రానిక్ మీడియాలో, వెబ్ సైట్ లో వర్క్ చేసిన అనుభవం.