Saturday, March 2, 2024
Homeసినిమాడి.ఎస్.కె మ్యూజిక్ ద్వారా ‘తప్పించుకోలేరు’ ఆడియో విడుదల

డి.ఎస్.కె మ్యూజిక్ ద్వారా ‘తప్పించుకోలేరు’ ఆడియో విడుదల

ఆర్.వి.జి మూవీజ్- ఎస్.వి.ఎల్.ఎంట్రప్రైజస్ పతాకాల పై రుద్రాపట్ల వేణుగోపాల్ (ఆర్.వి.జి)-తలారి వినోద్ కుమార్ ముదిరాజ్- శ్రీనివాస్ మామిడాల-లలిత్ కుమార్ సంయుక్తంగా నిర్మించిన సూపర్ సస్పెన్స్ థ్రిల్లర్ ‘తప్పించుకోలేరు’. “కొత్తకథ, ఉసురు, అయ్యప్ప కటాక్షం” తదితర చిత్రాలతో దర్శకుడిగా తన సత్తాను ఘనంగా చాటుకున్న రుద్రాపట్ల వేణుగోపాల్ (ఆర్.వి.జి) స్వీయ నిర్మాణంలో తాజాగా రూపొందించిన ఈ చిత్రం ఆడియో డి.ఎస్.కె.మ్యూజిక్ ద్వారా విడుదలైంది. “ఈ  పాటలు తమ డి.ఎస్.కె మ్యూజిక్ ద్వారా విడుదల కావడం చాలా సంతోషంగా ఉందని డి.ఎస్.కె.మ్యూజిక్ అధినేత-ప్రముఖ నిర్మాత-నటుడు డి.ఎస్.రావు పేర్కొన్నారు.

సెన్సార్ సహా అన్ని కార్యక్రమాలు పూర్తి చేసుకున్న ‘తప్పించుకోలేరు’ ఈనెల 27 విడుదలకు సిద్దమవుతోంది. రవిశంకర్ ఓంకాళి ఈ చిత్రానికి ఎగ్జిక్యూటివ్ ప్రొడ్యూసర్. ఆదర్శ్, హరీష్, ట్వింకిల్ అగర్వాల్, సాయిశ్వేత, ఆకెళ్ల, ఫహీం ముఖ్య తారాగణంగా రూపొందిన ఈ సస్పెన్స్ థ్రిల్లర్ మధ్యప్రదేశ్ లోని భోపాల్ గ్యాస్ సంఘటన స్పూర్తితో తెరకెక్కింది. మధ్యప్రదేశ్ పర్యాటక సంస్థ సౌజన్యంతో చాలా భాగం భోపాల్ మరియు పరిసర ప్రాంతాల్లో షూటింగ్ జరుపుకున్న ఈ చిత్రాన్ని అక్కడ కూడా విడుదల చేయడానికి దర్శకనిర్మాతలు సన్నాహాలు చేస్తున్నారు.

దర్శకనిర్మాత ఆర్.వి.జి మాట్లాడుతూ…”కొత్త ఆడియో కంపెనీ డి.ఎస్.కె.మ్యూజిక్ ప్రారంభ చిత్రం ‘తప్పించుకోలేరు’ కావడం మాకు గర్వకారణం. ఏ.ఆర్.రెహమాన్ శిష్యుడు రాజేష్ రాజ్ ఇచ్చిన ఎక్స్ట్రార్డినరీ ట్యూన్స్ కు వి.ఎస్.పి.తెన్నేటి అంతే గొప్ప లిరిక్స్ ఇచ్చారు. వరికుప్పల యాదగిరి పాడిన ఫోక్ సాంగ్ ఈ ఆడియోకి హైలైట్ గా నిలుస్తుంది. ఈనెల 27న సినిమాను విడుదల చేసేందుకు సన్నాహాలు చేస్తున్నాం” అన్నారు.

RELATED ARTICLES

Most Popular

న్యూస్