‘పెళ్ళిచూపులు’, ‘ఈ నగరానికి ఏమైంది’ వంటి సక్సెస్ఫుల్ చిత్రాలతో దర్శకుడిగా ఇండస్ట్రీలో మంచి పేరు సంపాదించుకున్నారు తరుణ్ భాస్కర్. ఇప్పుడు తరుణ్ భాస్కర్ సమర్పణలో ఓ స్పోర్ట్స్ బేస్డ్ ఫిల్మ్ రూపొందుతుంది. సాయిసుశాంత్ రెడ్డి ఈ యాక్షన్ ప్యాక్డ్ స్పోర్ట్స్ ఫిల్మ్లో హీరోగా నటిస్తున్నారు. ఈ చిత్రంలో భైరవ్ పాత్రలో కనిపించనున్నారు సాయి సుశాంత్. ఎలైట్ ఎంటర్టైన్మెంట్ ప్రొడక్షన్స్ పతాకం పై ప్రమోద్ కుమార్, రాజు నిర్మిస్తున్న ఈ మూవీకి రోహిత్ తంజావూర్ దర్శకత్వం వహిస్తున్నారు.
ఎలైట్ ఎంటర్టైన్మెంట్ ప్రొడక్షన్స్లో మూడో చిత్రంగా రూపొందుతున్న మూవీ ఇది. ఈ సినిమా ‘ఫీలర్ వీడియో’ను విడుదల చేశారు. హైదరాబాద్లోని డిఫరెంట్ లొకేషన్స్ను చూపిస్తున్నట్లుగా ఉన్న ఈ ఫీలర్ వీడియో సినిమాపై ప్రేక్షకుల్లో ఆసక్తిని రేకేత్తించేలా ఉంది. ట్రెండ్ కు తగ్గట్గుగా ఈ సినిమా ఉంటుదని.. యూత్ కి బాగా కనెక్ట్ అవుతుందని అంటున్నారు. సాయిసుశాంత్ రెడ్డి హీరోగా నటిస్తున్న ఈ చిత్రానికి దర్శకత్వం: రోహిత్ తంజావూర్, నిర్మాతలు: ప్రమోద్కుమార్, రాజు, బ్యానర్: ఎలైట్ ఎంటర్టైన్మెంట్స్ ప్రొడక్షన్, డీఓపీ: కె. సిద్దార్థ రెడ్డి.
