ప్ర‌భాస్ ఫ్యాన్స్ కి ఓకేసారి మూడు పండ‌గ‌లు.

Three Gifts: పాన్ ఇండియా స్టార్ ప్ర‌భాస్ న‌టించిన రాధేశ్యామ్ చిత్రం భారీ అంచ‌నాల‌తో ప్రేక్ష‌కుల ముందుకు వ‌చ్చింది కానీ.. అంచ‌నాల‌ను ఏమాత్రం అందుకోలేక‌పోయింది. బాక్సాఫీస్ ద‌గ్గ‌ర బోల్తా ప‌డింది. దీంతో డీలాప‌డ్డ ఫ్యాన్స్ కోసం ఒక‌టి కాదు రెండు కాదు ఏకంగా మూడు పండ‌గ‌లు అందించేందుకు ప్ర‌భాస్ ప్లాన్ చేస్తున్నారు. ఇంత‌కీ విష‌యం ఏంటంటే… ఆగ‌ష్టు 15న ఆదిపురుష్ గ్లిమ్స్ రాబోతుంది. ప్ర‌భాస్ ఫ్యాన్స్ కి ఇది కిక్ ఇచ్చేవార్త‌. ఆదిపురుష్ గ్లిమ్స్ రిలీజ్ అయితే.. ప్ర‌భాస్ అభిమానుల‌కు పండ‌గే అని చెప్ప‌చ్చు.

ఇక ఆదిపురుష్ ట్రైల‌ర్ ను ప్ర‌భాస్ పుట్టిన‌రోజైన అక్టోబ‌ర్ 23న రిలీజ్ చేయ‌నున్నారు. సినిమా జ‌న‌వ‌రి 12న విడుద‌ల కానుంది. ఇక మ‌రో విష‌యం ఏంటంటే.. ప్ర‌భాస్ పుట్టిన‌రోజైన అక్టోబ‌ర్ 23న స‌లార్ టీజ‌ర్ కూడా రిలీజ్ చేయాల‌ని ఫిక్స్ అయ్యార‌ట మేక‌ర్స్. అలాగే ప్రాజెక్ట్ కే నుంచి అక్టోబ‌ర్ 23న స‌ర్ ఫ్రైజ్ రాబోతుంద‌ని తెలిసింది. ఇలా ప్ర‌భాస్ పుట్టిన‌రోజున ఒక‌టి కాదు రెండు కాదు.. ఏకంగా మూడు అప్ డేట్స్ రాబోతున్నాయి.

ఈ వార్త బ‌య‌ట‌కు వ‌చ్చిన‌ప్ప‌టి నుంచి ప్ర‌భాస్ ఫ్యాన్స్ అక్టోబ‌ర్ 23 కోసం ఆతృత‌గా ఎదురు చూస్తున్నారు. ఆదిపురుష్ 2023లో జ‌న‌వ‌రి 12న విడుద‌ల కానుంది. ఆత‌ర్వాత స‌లార్ 2023 ఏప్రిల్ లో విడుద‌ల కానుంది. ఈ రెండు చిత్రాల త‌ర్వాత ప్రాజెక్ట్ కే విడుద‌ల‌. అయితే.. ఇంకా ప్రాజెక్ట్ కే షూటింగ్ చేయాల్సింది చాలా ఉంది కాబ‌ట్టి రిలీజ్ ఎప్పుడు అనేది ప్ర‌క‌టించ‌లేదు. ఆదిపురుష్‌, స‌లార్ రిలీజ్ త‌ర్వాత ప్రాజెక్ట్ కే విడుద‌ల ఎప్పుడు అనేది క్లారిటీ వ‌స్తుంది.

Also Read : ప్ర‌భాస్ బెస్ట్ ఫ్రెండ్ అంటోన్న ర‌ణ‌భీర్