Mirchi 2: పాన్ ఇండియా స్టార్ ప్రభాస్ ఆదిపురుష్‌, స‌లార్, ప్రాజెక్ట్ కే చిత్రాలు చేస్తున్నారు. వీటితో పాటు సందీప్ రెడ్డి వంగ‌తో స్పిరిట్, మారుతితో ఓ సినిమా, బాలీవుడ్ డైరెక్ట‌ర్ సిద్ధార్ధ్ ఆనంద్ డైరెక్ష‌న్ లో ఓ చిత్రం చేయ‌నున్నారు. వచ్చే సంవ‌త్స‌రం ఆదిపురుష్‌, స‌లార్ చిత్రాలు రిలీజ్ కానున్నాయి. ఇలా వ‌రుస‌గా సినిమాలు చేస్తూ ఫుల్ బిజీగా ఉన్న ప్రభాస్… కొరటాల శివ‌తో మ‌రో సినిమాకి గ్రీన్ సిగ్న‌ల్ ఇచ్చార‌ని టాక్ వినిపిస్తోంది.
2013లో ప్రభాస్, కొరటాల శివ కాంబినేషన్లో వచ్చిన మిర్చి ఈ చిత్రం బాక్సాఫీస వద్ద భారీ విజయాన్ని సాధించింది. ఇద్దరి కెరీర్ లో తిరుగులేని బ్లాక్ బస్టర్ హిట్ గా నిలిచింది. మళ్లీ ఇన్నేళ్ల తరువాత ఈ బ్లాక్ బస్టర్ కాంబో మళ్లీ రిపీట్ కాబోతోందని తెలుస్తోంది. కొరటాల ఇటీవల తెర‌కెక్కించిన ఆచార్య భారీ అంచనాల మధ్య విడుదలైన భారీ డిజాస్టర్ గా నిలిచింది. కొరటాలకు గట్టి షాక్ ఇచ్చింది. ఈ మూవీ ఇచ్చిన షాక్ నుంచి తేరుకున్న కొరటాల శివ యంగ్ టైగర్ ఎన్టీఆర్ తో ఓ భారీ పాన్ ఇండియా మూవీకి శ్రీకారం చుడుతున్నారు.
ఈ మూవీ రెగ్యులర్ షూటింగ్ త్వరలోనే ప్రారంభం కానుంది. ఇదిలా వుంటే ఇటీవల ప్రభాస్ ని కలిసిన కొరటాల మళ్లీ కలిసి ఓ ప్రాజెక్ట్ చేద్దామని చర్చించారట. ప్రభాస్ కూడా పాజిటివ్ గా స్పందించి ఓకే చెప్పినట్టుగా తెలుస్తోంది. అంతే కాకుండా ఈ ప్రాజెక్ట్ ని కూడా యువీ క్రియేషన్స్ లో చేయాలని నిర్ణయించుకున్నారట. అయితే.. ప్రభాస్ ఓకే చెప్పిన‌ప్ప‌టికీ ఈ మూవీ సెట్స్ పైకి రావాలంటే కొన్నాళ్లు ఆగాల్సిందే.
