5th Show: పాన్ ఇండియా స్టార్ ప్ర‌భాస్, క్రేజీ హీరోయిన్ పూజా హేగ్డే జంట‌గా న‌టించిన భారీ పాన్ ఇండియా మూవీ రాధేశ్యామ్. ఈ భారీ చిత్రానికి జిల్ ఫేమ్ రాధాకృష్ణ కుమార్ తెర‌కెక్కించారు. భారీ బడ్జెట్ తో రూపుదిద్దుకున్న రాధేశ్యామ్ రేపు (మార్చి 11న) ప్రేక్షకుల ముందుకు వస్తోంది. ఈ క్రమంలో రోజుకు ఐదు షోలను ప్రదర్శించుకునేందుకు అనుమతిస్తూ తెలంగాణ సర్కారు ఉత్తర్వులు జారీ చేసింది. ఇందుకు సంబంధించి జీవో నెంబర్ 10ను గురువారం జారీ చేసింది.
ఉదయం 10 గంటల నుంచి రాత్రి అర్ధరాత్రి 1 వరకు షోలను వేసుకునేందుకు థియేటర్లకు అనుమతిస్తున్నట్టు పేర్కొంది. అర్ధరాత్రి 1 తర్వాత నుంచి ఉదయం 10 గంటల్లోపు ఎటువంటి షోలను ప్రదర్శించరాదని అదే జీవోలో స్పష్టం చేసింది. రాధేశ్యామ్ సినిమా పై అభిమానుల్లో చాలా అంచనాలే ఉన్నాయి. బాహుబ‌లి, సాహో తర్వాత ప్ర‌భాస్ నుంచి వ‌స్తోన్న భారీ పాన్ ఇండియా మూవీ కావ‌డంతో ఏ స్థాయి విజ‌యం సాధిస్తుంది అనేది ఆస‌క్తిగా మారింది.
