తిరుమల శ్రీవారి ప్రత్యేక ప్రవేశ దర్శనం టిక్కెట్లు పొందిన భక్తులకు టిటిడి వెసులుబాటు కల్పించింది. ఆన్ లైన్ ద్వారా టిక్కెట్లు రిజర్వ్ చేసుకుని కోవిడ్ వల్ల రాలేని వారు సంవత్సరంలోపు ఎప్పుడైనా దర్శించుకోవచ్చని ఓ ప్రకటనలో తెలిపింది.
కోవిడ్ వ్యాప్తి నేపధ్యంలో పలు రాష్ట్రాలు లాక్ డౌన్ అమలు చేస్తున్నాయి. రవాణా సదుపాయం లేక శ్రీవారి దర్శనానికి ఎక్కువమంది వెళ్ళలేకపోతున్నారు. 15 వేల టిక్కెట్లు రిజర్వ్ చేసుకున్నా 4 వేలలోపే భక్తులు దర్శనం పొందుతున్నారు. ఏప్రిల్ 12 నుంచి మే 31 వరకు టిక్కెట్లు బుక్ చేసుకున్న వారు ఏడాది లోపు దర్శనం పొందవచ్చు. అయితే ఒక్కసారి మాత్రమె తేది మార్పు చేసుకునేందుకు వీలుంటుంది.
