Pelli Pilupu: కడప జిల్లాలోని ఒంటిమిట్ట శ్రీ కోదండరామస్వామివారి సీతారామ కళ్యాణ మహోత్సవంలో పాల్గొనాల్సిందిగా రాష్ట్ర ముఖ్యమంత్రి వైఎస్ జగన్ మోహన్ రెడ్డిని టిటిడి ఆహ్వానించింది. ఈ మేరకు క్యాంప్‌ కార్యాలయంలో సీఎం వైఎస్ జగన్‌ను కలిసి ఆహ్వన శుభపత్రికను టిటిడి అధికారులు అందజేశారు. ఈ కార్యక్రమంలో టీటీడీ ఈవో డాక్టర్‌ కేఎస్‌.జవహర్‌ రెడ్డి, ఒంటిమిట్ట ఆలయ డిప్యూటీ ఈవో డాక్టర్‌ రమణ ప్రసాద్‌తో పాటు ఆలయ అర్చకులు కూడా పాల్గొన్నారు.
పండితులు ముఖ్యమంత్రికి వేద ఆశీర్వచనం ఇచ్చి ప్రసాదాలు అందజేశారు. ఈ నెల 15న రాత్రి 8 గంటల నుంచి 10 గంటలలోపు శ్రీ సీతారామ కళ్యాణ మహోత్సవం జరననుంది. ఈ నెల 9 నుంచి 19 వరకు ఒంటిమిట్టలో శ్రీరామనవమి బ్రహ్మోత్సవాలు జరుగుతాయి
