జై బాలయ్య అంటూ సందడి చేసిన చిరు డైరెక్టర్ ఎవరనుకుంటున్నారా…? బింబిసార డైరెక్టర్ మల్లిడి వశిష్ట్. నందమూరి కళ్యాణ్ రామ్ తో బింబిసార సినిమాను తీసిన మల్లిడి వశిష్ట్ బాలయ్యకు పెద్ద ఫ్యాన్. ఈ విషయాన్ని స్వయంగా మల్లిడి వశిష్ట్ కొన్ని ఇంటర్ వ్యూలో చెప్పడం జరిగింది. కళ్యాణ్ రామ్ తో బింబిసార తర్వాత బాలయ్యతో కూడా సినిమా చేయాలి అనుకున్నాడు కానీ.. కొన్ని కారణాల వలన సెట్ కాలేదు. మెగాస్టార్ చిరంజీవితో సినిమా సెట్ అయ్యింది. ఈ చిత్రాన్ని యు.వీ క్రియేషన్స్ బ్యానర్ లో చేయనున్నారు.
అయితే.. బాలకృష్ణ నటించిన భగవంత్ కేసరి సినిమా భారీ స్థాయిలో రిలీజైంది. అనిల్ రావిపూడి తెరకెక్కించిన భగవంత్ కేసరి స్పెషల్ షోస్ ను కూకట్ పల్లి భ్రమరాంబ థియేటర్లో వేశారు. ఈ షోకు వెళ్లిన మల్లిడి వశిష్ట్ బాలయ్యను స్ర్కీన్ పై చూసి జై బాలయ్య అంటూ థియేటర్ దద్దరిల్లేలా అరుస్తూ సందడి చేశాడట. దీనికి సంబంధించిన ఫోటోలు బయటకు వచ్చాయి. ఈ ఫోటోలు సోషల్ మీడియాలో వైరల్ అయ్యాయి. ఇక మల్లిడి వశిష్ట్ నెక్ట్స్ మూవీ చిరంజీవితో అని ప్రకటించారు కానీ.. ఎప్పుడు సెట్స్ పైకి వస్తుంది అనేది అధికారికంగా ప్రకటించలేదు.
ప్రస్తుతం ఈ భారీ సోషియో ఫాంటసీకి సంబంధించిన ప్రీ ప్రొడక్షన్ వర్క్ జరుగుతుంది. చిరంజీవి సరసన నటించే హీరోయిన్స్ ఎవరు అనేది కన్ ఫర్మ్ కావాల్సివుంది. అలాగే టెక్నీషియన్స్ కూడా ఎవరు అనేది ఇంకా ప్రకటించలేదు. ఈ చిత్రాన్ని పాన్ ఇండియా మూవీగా రిలీజ్ చేయాలి అనుకుంటున్నారట. దాదాపు 150 కోట్ల బడ్జెట్ తో ఈ సినిమాను నిర్మించనున్నారని సమాచారం. చిరు సైరా నరసింహారెడ్డి మూవీని పాన్ ఇండియా రేంజ్ లో రిలీజ్ చేశారు కానీ.. వర్కవుట్ కాలేదు. మరి.. ఈసారి పాన్ ఇండియా ప్రయత్నం ఏమౌతుందో.?
