Salman-Venky: బాలీవుడ్ సూప‌ర్ స్టార్ స‌ల్మాన్ ఖాన్ మెగాస్టార్ చిరంజీవి గాడ్ ఫాద‌ర్ మూవీలో న‌టించిన విష‌యం తెలిసిందే. ఇటీవ‌ల చిరంజీవి, స‌ల్మాన్ ల పై కీల‌క స‌న్నివేశాల‌ను చిత్రీక‌రించారు. అలాగే వీరిద్ద‌రి పై ఓ పాట ఉండ‌డంతో గాడ్ ఫాద‌ర్ లో స‌ల్మాన్ రోల్ పై ఆస‌క్తి పెరిగింది. రీసెంట్ గా స‌ల్మాన్ ఖాన్ , హ‌రీష్ శంక‌ర్ క‌ల‌వ‌డం జ‌రిగింది. దీంతో వీరిద్ద‌రి కాంబినేష‌న్లో సినిమా ప్లాన్ జ‌రుగుతుంద‌ని టాక్ బ‌య‌ట‌కు వ‌చ్చింది.
ఈ చిత్రాన్ని ప్ర‌ముఖ నిర్మాణ సంస్థ మైత్రీ మూవీ మేక‌ర్స్ నిర్మించ‌నుందని స‌మాచారం. అయితే.. హ‌రీష్ శంక‌ర్ జులై నుంచి భ‌వ‌దీయుడు భ‌గ‌త్ సింగ్ సినిమా స్టార్ట్ చేయ‌నున్నారు. ఆత‌ర్వాత స‌ల్మాన్.. హ‌రీష్ శంక‌ర్ మూవీ ఉండ‌చ్చ‌ని టాక్. ఇలా తెలుగు సినిమాల పై ఫోక‌స్ పెట్టిన స‌ల్మాన్ ప్ర‌స్తుతం ఓ హిందీ సినిమా చేస్తున్నారు. ఇందులో ఓ కీల‌క పాత్ర‌ను చేయ‌మ‌ని విక్టరీ వెంక‌టేష్ ను అడిగార‌ట స‌ల్మాన్.
దీనికి వెంట‌నే వెంకీ ఓకే చెప్పార‌ట. వెంకీ హిందీ సిన‌మా చేయ‌డం కొత్తేమీ కాదు. 20 సంవ‌త్స‌రాల క్రిత‌మే అనారి అనే హిందీ సినిమా చేశారు. అయితే.. ఆత‌ర్వాత హిందీలో కంటిన్యూగా సినిమాలు చేయ‌లేదు. ఏది ఏమైనా ఇప్పుడు స‌ల్మాన్ మూవీలో వెంకీ కీల‌క పాత్ర పోషిస్తుండ‌డం విశేషం.
Also Read : స‌ల్మాన్ తో హ‌రీష్ శంక‌ర్ మూవీ?
