‘వినరో భాగ్యము విష్ణుకథ’ విడుదల తేదీ ఖరారు

GA2 పిక్చర్స్ లో రాబోతున్న మరో చిత్రం ‘వినరో భాగ్యము విష్ణుకథ’. ‘రాజావారు రాణిగారు’, ‘ఎస్.ఆర్ కల్యాణమండపం’, ‘నేను మీకు బాగా కావాల్సినవాడిని’ వంటి చిత్రాలతో జనాదరణ పొందాడు కిరణ్ అబ్బవరం. ఈ యంగ్ హీరో వరుస సినిమాలకు పచ్చజెండా ఊపుతున్నాడు. ప్రస్తుతం కిరణ్‌, కశ్మీర పరదేశి కాంబినేషన్‌లో వస్తున్న సినిమా ‘వినరో భాగ్యము విష్ణుకథ’. షూటింగ్ దశలో ఉన్న ఈ చిత్రాన్ని ఫిబ్రవరి 17న రిలీజ్ కు సిద్ధం చేస్తున్నారు

జీఏ2 పిక్చర్స్‌ పతాకం పై బన్నీవాసు ఈ చిత్రాన్నినిర్మిస్తుండగా..అల్లు అరవింద్‌ సమర్పిస్తున్నారు. మురళీ కిషోర్‌ అబ్బూరు  దర్శకత్వం వహిస్తుండగా చేత‌న్ భ‌ర‌ద్వాజ్ సంగీతం స‌మ‌కూర్చుతున్నాడు. విలేజ్‌ డ్రామా నేపథ్యంలో సాగనున్న ఈ సినిమా ఫిబ్రవరి 17న విడుదల కానున్నట్లు అధికారిక ప్రకటన చేశారు చిత్రబృందం. మరి.. ఈ సినిమాతో అయినా కిరణ్ సక్సెస్ సాధిస్తాడేమో చూడాలి.