‘మ‌ణిశంక‌ర్’ ఫ‌స్ట్‌ లుక్ మోష‌న్ పోస్ట‌ర్‌

Mani Shankar First Look Poster Is Released :

శివ కంఠమనేని, సంజ‌న గ‌ల్రాని, ప్రియా హేగ్డే, చాణ‌క్య ప్ర‌ధాన పాత్ర‌ల్లో న‌టిస్తోన్న చిత్రం ‘మణిశంకర్’. యాక్ష‌న్ ఎలిమెంట్స్‌ తో ఒక డిఫ‌రెంట్ స‌స్పెన్స్ థ్రిల్ల‌ర్ గా రూపొందుతున్న ఈ చిత్రానికి కథ, స్క్రీన్ ప్లే, మాటలు, దర్శకత్వం జి. వెంకట కృష్ణన్ (జి.వి.కె). లైట్ హౌస్ సినీ క్రియేషన్స్ ప‌తాకం పై కె.ఎస్.శంకర్రావు, ఆచార్య శ్రీ‌నివాస‌రావు, ఎం. ఫణిభూషణ్ సంయుక్తంగా నిర్మిస్తున్నారు. తాజాగా మ‌ణిశంక‌ర్ టైటిల్ అండ్ ఫ‌స్ట్‌ లుక్ మోష‌న్ పోస్ట‌ర్‌ని విడుద‌ల‌ చేసింది చిత్ర యూనిట్‌. ముందు క‌త్తుల‌తో ఇంటెన్స్‌లుక్‌లో శివ కంఠ‌మ‌నేని ఉన్న ఈ క్రియేటివ్‌ ఈ మోష‌న్ పోస్ట‌ర్‌కి సోష‌ల్ మీడియాలో మంచి రెస్పాన్స్ వ‌స్తుంది.

ఈ సంద‌ర్భంగా హీరో శివ‌కంఠ‌మ‌నేని మాట్లాడుతూ “ఈరోజు విడుద‌లైన మా మ‌ణిశంక‌ర్ టైటిల్‌, ఫ‌స్ట్‌ లుక్ మోష‌న్‌ పోస్ట‌ర్‌కి మంచి రెస్పాన్స్ వ‌స్తుంది. సంజ‌న గ‌ల్రాని, ప్రియా హెగ్డేలతో క‌లిసి ప‌నిచేయ‌డం చాలా హ్యాపీగా ఉంది. ద‌ర్శ‌కుడు జీవీకే మేకింగ్ చాలా కొత్త‌గా ఉంది. ఒక కొత్త కాన్సెప్ట్ త‌ప్ప‌కుండా మీ అంద‌రికీ న‌చ్చే చిత్రం అవుతుంది“ అన్నారు.

ద‌ర్శ‌కుడు జీవీకే మాట్లాడుతూ “మ‌ణిశంక‌ర్ అనేది యాక్ష‌న్ థ్రిల్ల‌ర్ మూవీ. షూటింగ్ పూర్త‌య్యింది. ప్ర‌స్తుతం పోస్ట్ ప్రొడ‌క్ష‌న్ వ‌ర్క్స్ జ‌రుగుతున్నాయి. ఔట్‌పుట్ చాలా బాగా వ‌చ్చింది. త‌ప్ప‌కుండా మంచి విజ‌యం సాధిస్తుంద‌ని న‌మ్మ‌కం ఉంది“ అన్నారు. ఈ చిత్రంలో శివ కంఠ‌మ‌నేని, సంజ‌న గ‌ల్రాని, ప్రియా హెగ్దే, చాణిక్య‌, మాణిక్య రెడ్డి, సుబ్బ‌రాజ్ శ‌ర్మ‌, అరోహి నాయుడు, నెల్లూరు సుబ్బు తదితరులు నటించారు. ఈ చిత్రానికి సినిమాటోగ్ర‌ఫి: జె. ప్ర‌భాక‌ర్ రెడ్డి, సంగీతం: ఎం.ఎల్.రాజా, ఎడిట‌ర్‌: స‌త్య గిదుటూరి, నిర్మాత‌లు: కె.ఎస్.శంకర్రావు, ఆచార్య శ్రీ‌నివాస‌రావు, ఎం. ఫణిభూషణ్, క‌థ‌, స్క్రీన్ ప్లే, మాట‌లు, ద‌ర్శ‌క‌త్వం: జి. వెంక‌ట్ కృష్ణ‌న్ (జీవికే)

Must Read :ముర‌ళీమోహ‌న్ క్లాప్ తో ప్రారంభ‌మైన కేవీకేఆర్ మూవీ చిత్రం